Gewilde Bybelverse vanaf Levítico 26

Deel

Noqaqa qankunawanmi kasaq. Noqaqa qankunapa Diosniykichismi kasaq. Qankunañataqmi noqapa llaqtay kankichis.

noqa Señor Diosmi tiempollanpi parachimusaq. Hinaqtinmi chakraykichispi tukuy tarpusqaykichispas allinta rurunqa. Saynallataqmi chakraykipi kaq sach'akunapas allinta rurunqa.

Sichus kamachisqaykunata ruwayman churankichis hinallataq leyniykunatapas kasukuspa kawsankichis chayqa

Noqan qankunataqa hawkayaypi kawsachisqaykichis. Hinaspapas *nacionniykichismantan chinkachisaq manchakuypaq phiña animalkunata. Manañan guerrapas chaypiqa kanqachu. Saynapin qankunaqa mana pipa manchachisqan hawkalla puñukunkichis.

Noqa Señor Diosmi qankunataqa yanapasqaykichis. Hinaspan mirachisqaykichis, ancha ashkallaña kanaykichispaq. Saynapin noqaqa qankunawan *pacto ruwasqayta cumplisaq.

Noqa Señor Diosmi Egipto nacionmanta orqomuraykichis, saynapi manaña paykunapa *esclavon kanaykichispaq. Imaynan toromanta yugonta pashkanku libre kananpaq, saynatan qankunapatapas esclavo kasqaykichismanta libramuraykichis, saynapi manaña manchakuspa kawsanaykichispaq.

Noqaqa qankuna ukhupin tiyasaq. Hinaspapas manan millakusqaykichishchu.

Aman idolokunataqa ruwakunkichishchu. Nitaqmi sayachinkichishchu rumimanta ruwasqa pilarkunatapas nitaq rumimanta otaq k'aspimanta tallasqa kaqkunatapas. Aman chay falso dioskunapa ñawpaqninpiqa qonqorikunkichishchu paykunata yupaychanaykichispaqqa. Noqaqa Señor Diosniykichismi kani.

Qankunapa cosechaykichisqa anchallañan kanqa. Chayraykun ñawpaq watakunapi cosecha waqaychasqaykichista orqomunkichis, chayllaraq cosechasqaykichista waqaychanaykichispaq.

Qankunaqa pishqallan pachak runakunata qatikachankichis. Pachaktaqmi chunka waranqa runakunata qatikachanqaku. Saynapin qankunaqa enemigoykichis runakunata espadawan guerrapi wañuchinkichis.

Saynallataqmi trigoykichistapas erankichis asta uvas pallanaykichis tiempokama. Uvastañataqmi pallankichis kawsaykunata tarpunaykichis tiempokama. Hinaqtinmi qankunaqa saksanaykichiskama mikhunkichis. Saynapin allpaykichispi hawkalla tiyankichis.

Saynallataqmi qankunaqa enemigoykichis runakunatapas qatikachaspa, *espadawan guerrapi wañuchinkichis.

*Samana p'unchawniykunata waqaychaychis. Saynallataqyá tolderamanta ruwasqa *tabernáculo temploytapas respetaychis. Noqaqa Señor Diosniykichismi kani.