Gewilde Bybelverse vanaf S. Juan 14

Deel

»U tsoyji or kin p'ʌtik teche'x y lʌji' kin ts'ek teche'x, chen ten mij ts'ek bix a winik yok'o lu'm ku ts'ek. Ma' tukrike'x a bʌje'x y ma' sʌjtike'x.

Jesús tu nuka: —A Ten Lʌjien u taji a bej, u taji a ba' y a kuxta, toj ja'ri' yok'o ten ja' k'uche'x yok'o ak Tet.

«Ma' tukrike'x a bʌje'x, jach ch'ae'x u t'ʌn K'uj y bexi' jach ch'ae in tʌn ten.

Chen u yʌj'ʌni a winik, a lʌji' u Pixʌn K'uj a to'o la' ak Tet ku bin u tuchi'te yok'o in k'aba', ti' ku bin u kʌ'se'x tu woro a ba' y ku bin u k'a'se teche'x tu woro a ba' a ten tin wa'te'x.

A mok tiʌ ti' in t'ʌn tin li'sa u meta' y ku metik, a lay lʌji' ku jach yakuntiken, y a mok ku yakuntiken, ku bij yakunta' ten in Tet, y ten kin bin in yakunte y ki bin in we'se in bʌj ti'.»

Y ten kin bin in jach k'ate ti ak Tet, u je'e u ts'ek te'x u jer a wʌj'ʌni, ti' u p'ata yete teche'x tu woro k'in. U pixʌn u jach taji a ba' a to'o a winik mo' bik u yoko tio', tu mu' yirmo' y mix u k'omo', chen a teche'x a wirmue'x a tu toj tiʌ yok'o teche'x y ku bij p'ata yete teche'x.

Y tu woro a ba' ka k'atik ti' ak Tet yete in k'aba', jei metik, ti' u yira yok'o ten u jach muk' in Tet. A ba' ka k'atik yete in k'aba' ten ki bin in jach ts'ae teche'x.

»Wo jach ka yakuntiken je'e a jach metik a tu li'sa u t'ʌn K'uj a toj u ts'ibtamʌ a Moisés uchik.

Yok'o u yatoch in Tet ne ya'p nʌj, wo mo' bex, ten mo' tin toj a'te'x wa in bin in mete tu ka bin a k'uchue'x.

Wo kin bin y ki metik tuka bin k'uchue'x, je' in ka sut, bin in ch'ae'x yete ten, pa ti' tu yʌnen, tiri' yʌne'x teche'x.

A Tomás tu ya'a: —Ts'uri, mi' in weo' tuba ka bin, ¿bik ki bin in weto' u beri?