Gewilde Bybelverse vanaf Éxodo 8

Deel

Ha umi Egípto pegua paje apoha oñeha’ãmba ojapo hag̃ua avei péva hembiapo rupi, ha ndaikatuvéima. Opa rupi oĩ ñati’ũ Egiptoyguakuéra ha hymbakuéra apytépe. Upémaramo umi paje apoha he’i faraónpe: Kóva ningo Yvága Jára kuã. Faraon py’apy katu oñemohatã ha naiñe’ẽrendúi ichupekuéra, Ñanderuete he’i haguéicha.

Upéramo Ñanderuete (Jahve) he’i Moiséspe: Tereho faraon rendápe ha ere ichupe: Péicha he’i ore Ruete, eheja che retãyguakuéra oho tachemomba’eguasu hikuái.

Ha faraon ohechávo opamaha ju’i, omohatã jevy katu ipy’apy ha naiñe’ẽrendúi ichupekuéra, Ñanderuete he’i hagueichaite.

Ha nderehejaséi ramo oho, eikuaa porãke Che ahaviráta ne retãpy tuichakue javeve ju’ieta rupi.

Upéramo Ñanderuete he’i Moiséspe, ere Aarónpe: Eipyso nde yvyra’i ha einupã yvy timbóre, oiko hag̃ua ichugui ñati’ũ Egípto retã tuichakue javeve.

Ha Ñanderuete ojapo he’i haguéicha ha ou mbutu oporomyangekõi rasáva faraon ha hembiguaikuérape, Egípto retãpy tuichakue; ha pe tetã oñembyai mbutueta rupi.