Gewilde Bybelverse vanaf Luke 19

Deel

Te saḵone Abeng Di Tagu, ummaliyaḵ ta iyyaḵ sington ḵan taguwon da nataḻaḵe tagu.”

Ḵananda, “Madaydayaw oḵyan Ari ye umali ye imbuun Apudyus! Lin-awa'd langit. Madaydayaw aḵ Apudyus we ḵangatuwan!”

Pun sa ḵanan Jesus atta tagu si mipanggob ḵan Zacchaeus, “Sinsadi, tinagun Apudyus da annae simbaḻyan atte madusaanda'tta basuḻda te tuttuwae ganaḵ os Abraham gapu'tte pammatina.

Niduum ḵad aḵ Jesus atte ḵummaḻaban Zacchaeus, nantangad ḵan siya woḵ ḵanana, “Zacchaeus, agagame an-osog te ḵasapuḻane andawosaḵ si boḻoynu sinsadi.” Pun nan-osoge dagus aḵ Zacchaeus ya amod pagay layadnae nammangili ḵan Jesus.

Pun tummaḵdog aḵ Zacchaeus woḵ ḵanana ḵan Apu Jesus, “Apu, ittoḵ gogwan da ḵuḵuwaḵ atta ḵapus. Nu awad tagu'ḵ nan-igabaḵ, ipauliḵ aḵ angimpat ḵan siya ḵaadun ni inigabḵu.”

Pun da udum atta Pharisee ye nidoga'tta adu we tagu, ḵananda ḵan Jesus, “Mistulu, paginḵom da annae disipulum.” Yaḵon ḵanan Jesus, “Annaya ibagaḵ ḵan diḵayu, nu guminoḵda, mipasani da annae batu andaydayaw ḵan saḵon.”