Gewilde Bybelverse vanaf Ʋrɔm 6

Deel

Bʋ̃ʋ n'ʋ vɛ̃, a yel-bier sã-ya n'ɩ a kũu, ɛcɛ a maalʋ a Naaŋmɩn na tɩrɛ zawla a, ʋlɛ n'ɩ a nyɔ-vʋʋrʋ na be kʋralɛ fʋ na mɩ́ tɛr lãwnɩ a Yeezu Kɩrɩta tɩ Sore a.

Bʋ̃ʋ n'ʋ vɛ̃, a yel-bier kʋ̃ cãà dɩrɛ naalʋ a nyɩ zu ɛ, a Naaŋmɩn wulu na bɛ cãà so nyɩ, ɛ́ Naaŋmɩn maalʋ so nyɩ a ƴãw.

A na ɩ à ŋá a, a suob tɩ na de a zũú, tɩ lãw nɩ nɩ a Kɩrɩta kpi, bɛ ũù tɩ lãwnɩ ʋ, kɛ́ mɛ̃ a lɛ a Kɩrɩta na lɛb yi a kũuni pʋɔ nɩ a ʋ Sãà yúor-vɩɛlʋ-danʋ fãw a, a tɩɩm mɩ̀, tɩ vʋʋrɛ nɩ nyɔ-vʋʋr-paala.

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

A nyɩɩm mɩ̀ a, nyɩ bãw kɛ́ nyɩ kpi na bɛ cãà pʋɔ a yel-bier pʋɔ ɩ, ɛ́ vʋʋrɛ a Naaŋmɩn ƴãw lãwnɩ a Yeezu Kɩrɩta.

A na ɩ à ŋá a, tɩ na yel'a kɛ́ bo? Kɛ́ tɩ cãà be a yel-bier pʋɔ a Naaŋmɩn maalʋ tʋ̃ɔ́ ʋr bɩɩ? Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Nyɩ bɛ bãwnɩ a kɛ́ nyɩmɛ wa de nyɩ tʋɔra kʋ̀ nɩr, kɛ́ nyɩ ɩ gbãgbaar sàwr a ʋ nʋɔr a, nyɩ lɩɛb'ɩ a sob nɛ nʋɔr nyɩ na sàwr a gbãgbaar ɛ? A yel-bier wa n'ʋ a, nyɩ bɛ bãwnɩ a k'ʋʋ wɩɛr'ɩ nyɩ nɩ kũu pʋɔ ɩ? A nʋɔr-sàwfʋ wa n'ʋ a, k'ʋʋ wɩɛr'ɩ nyɩ nɩ a mɩnʋ pʋɔ ɩ?

Ɛcɛ Naaŋmɩn so puoru: nyɩ tɩ dãw na ɩ a yel-bier gbãgbaar, ƴɛrɛŋa a, a wulu bɛ na wul nyɩ a sɛw kɛ́ nɩbɛ za tuur a, nyɩ sàw na de ʋ nɩ nyɩ pʋɔ za. Bɛ faa nyɩ nɩ a yel-bier nuru pʋɔ, nyɩ lɩɛbɩ a mɩnʋ gbãgbaar.