Gewilde Bybelverse vanaf 2 Korɛ̃tɩ 4

Deel

A bom nɛ tɩ na bɔbr kɛ́ tɩ páw a, ʋ bɛ ɩ bom bɛ na mɩ́ nyɛ̃ a ɩ, bom bɛ na bɛ mɩ́ nyɛ̃ a n'ʋ. Bom bɛ na mɩ́ nyɛ̃ a be n be sɛr, ɛcɛ a bom bɛ na bɛ mɩ́ nyɛ̃ a be kʋralɛ.

Alɛ so tɩ bɛ be za nãà bàl bɛr ɛ. A tɩ nɩsaal ʋl na sãá a saa sãwnɛ cere a, a tɩ nɩsaal ʋl na be a pʋ̃ɔmɩ a, lɩɛbɛ nɩ paala bibir za. A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

Kpɩɛrʋ bʋʋrɛ za ta tɩ na, ɛ́ a bɛ dĩ tɩ kʋ ɛ. A mɩ́ ɩ na mɛ̃ tɩ na tɔl'a gù a, ɛ́ tɩ tʋ̃ɔ́ tɔl. Bɛ diw tɩ na gʋɔr'ɩ, ɛ́ bɛ páw tɩ ɛ. bɛ lɔb tɩ nɩ tẽw, ɛcɛ bɛ kʋ tɩ ɛ.

Ɛcɛ tɩ tɛr'ɩ a na-bʋ̃-sɩza ŋa mɛ̃ yawra duwli pʋɔ n'a tɩ ƴãw a, k'aa kpɛnʋ ŋa na bɛ tɛr tɔ a, ta yi tɩɩm zie ɩ, ʋ yi Naaŋmɩn zie.

a naaŋmɩn-bɛ-sàw-dierbɛ, bɛl a tẽ-daa ŋa naaŋmɩn na zɔ̃w a bɛ tɩɛrʋ, kɛ́ bɛ ta nyɛ̃ a Kɩrɩta Yel-nʋ̃ɔ̀ yúor-vɩɛlʋ-danʋ cãà a, a Kɩrɩta ŋa na ɩ a Naaŋmɩn ŋmɛ̃-ta-tɔ tɔr za a.

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.