Gewilde Bybelverse vanaf Wagalatiya 5

Deel

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa, wupolo no wiyimile. Hasina u Wulajilize wono wukusuma kuzimila zizi.

Holeka ane nghutya nhavi, i mijendele yenyu yeze kulongozwa no Muhe, nanye ho si motyatizya lukulu i masulumizi ga mononze.

Holeka hono cikale mu wutazi wo Muhe, ciwutyatyaje no wutonji wayo.

I wakwe Kilisito, wakondya kuwuwulaga u wuwe wawo we ciyinze-yinze hamonga ne mahweso gayo i mabi ne masulumizi gayo.

Ale, ne metumo ge ciyinze yinze nha gali calinze; nago nha goga, wusenyha, wavu, yihede, wukumbika vihwani, wuhawi, sili, wugombane, wivu, makuwo, wukowela, wiwanganile, ciyagalo, simbili, wukolwe wo wujimbi, wubugu, na ganji gose gono genha gaga. Nghumulonjelenyi kanyhi nha vyono namula kumulonjelenyi, i wanhu wono wakwituma gono genha gago, si wokwinjila mu wutemi wo Mulungu.

Hambi anye mo wandugu zangu, nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Hambi i masulumizi ga mono'nze, nha vipinganaga no wuhile wo Muhe, no wuhile wo Muhe nawo, vipinganaga no wuhile we masulumizi ga mono'nze. Ne zinghani zizo zi nyejete si zikuwa kubitana hamonga, ku soko yiyo holeka si mosuma kwituma zono mwali mwende nyenye nyo weneco.

Hambi u Wulajilize wose nha wukuwa kufisilizwa mu nghani monga du, nayo yoyi, “Wumwendaje u muyago nha vyono wiyendile go mweneco.”

Cilece kuwa cili wedunhumuzi, cilece kwisagala, hamba kwiyiwonela wivu.

Mu wulelele, Kilisito mo yaciwika, nayo yakasaka mo cikalaje mumo. Holeka mwime mukamile hamba mulece kuvumila kanyhi kuwa mu wuwanda.