Gewilde Bybelverse vanaf 1 Wakolinto 15

Deel

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma, vyono si wolokwajilila bwete.

Ninga yicinojeye cimulumbe Mulungu mono kacipelaga u wusume, mu nzila yo Muwaha wetu Yesu Kilisito.

Nye, mbeka mulece kukongwa bwete! U wiyendi wono si wuswanu, mbeka wuhodangaga i mikalile miswanu.

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye, langa lihewa lyo Mulungu lyono likwitumana hamonga na nene.

“Alu gwe go wufwe, i cisumisumi cako cili hayi? I vilungo vyako vyo wusungu, vili hayi?” U wufwe wutugaga wusungu wayo ku wulawa mu wubi, nawo u wubi wutugaga i vilungo vyayo ku wulawa mu wulajilize.

Ale, muhulicize ta, nimulonjelenyi nghani ye cinyele, yili nhavi, ase hamba si cilafwa wose, langa wose colohunduswa, kwa nhinicizo, lwa kamonga, mu cipango ce ndulele ye ndumilizo. Hambi yindulele nha yololila, ne wafu wolozukulilwa mu wuwe wono si wolofwa kanyhi, baho nase ho colohundusiswa.

Nha vyono u wufwe waletwa mononze na munhu monga, ale, nhavivyo no wuzuce wa muli wafu, waletwa na munhu monga. Nha vyono wanhu wose wafwizaga so wilunza na Adamu, yo nhavivyo kanyhi, wose wolozukulwa so wilunza na Kilisito.

Hambi nha yinojeye cono cihodanjikaga, civwale u wuwe wono si wuhodanjikaga, no muwili wuwuno wono wukusuma kufwa, wuvwale u wuwe wono si wufwizaga kanyhi.

Hambi Kilisito nha si koleka kutema, sunga u Mulungu kolo yakondya kuwasuma i walugu wakwe, no kuwawika hasi ye magulu gakwe. No mulugu we ndumilizo mono kolokongomezwa, lyo lifwa.