Gewilde Bybelverse vanaf Rom 6

Deel

Pun liwinin tipis mäla, nge än Kot lifang manau esemüch lon Kraist Jesus ach Samol.

Ousap chüen nonom fän nemenien tipis, pun ousap chüen nonom fän nemenien allük, nge oua nonom fän nemenien ümöümöchün Kot.

Iwe, ren ach papatais sia peiasepök me i o eti i lon an mäla, pwe usun chök Kraist a manausefäl seni mäla ren amwararen manamanen ewe Sam, ina usun pwal kich sipwe manaueni eu manau mi fö.

Ousap pwal fokun fangatä och kifetin inisimi ngeni tipis fänäsengesin föför mi ngau, nge oupwe fangala inisimi ngeni Kot usun chokewe mi towu seni mäla o tolong lon manau. Oupwe fokun fangatä unusen inisimi ngeni Kot fänäsengesin föför mi pwüng.

Iwe, sia silei pwe ewe aramas mi mes a eti Kraist le mäla won an we iräpenges, pwe pöchökülen mochenian ach föri tipis epwe wesila, pun sisap chüen nonom fän nemenien tipis.

Iei usun pwal ämi oupwe chechemeni pwe ämi oua fen mäla ngeni tipis, nge iei oua manau lon ämi chiechifengen me Kot lon Kraist Jesus.

Iwe, met sipwe üra? Sipwe sopwela le föföri tipis, pwe än Kot ümöümöch epwe lapalapala? Apwi, esap fokun ina! Kich sa mäla ngeni tipis, ifa usun ach sipwe tongeni sopwela le föföri tipis?

Oua püsin silei, pwe lupwen oua fangatä inisimi ngeni eman pwe epwe nöünikemi chon angang o aleasochis ngeni, oua chon angang ngeni ätewe oua aleasochisi. Ika oupwe aleasochis ngeni tipis, sopolan oupwe mäla, ika oupwe aleasochis ngeni Kot, sopolan oupwe küna pwüng mwen mesan.

Nge kilisou ngeni Kot, pwe inamwo ika oua chon angang ngeni tipis me lom, nge iei ren unusen letipemi oua aleasochis ngeni mine a let seni lon ewe afalafal oua rongorong. Oua ngas seni tipis o oua wiliti chon angang ngeni pwüng.