Gewilde Bybelverse vanaf Pwärätä 2

Deel

Nge iei met üpwe pölüenuk won: Iei kosap chüen echeniei, usun om echeniei me lepoputän.

Kopwe chechemeni ia ka tur me ie, kopwe aier seni om tipis o föri ekewe föför ka föri me lepoputän. Nge are kosap aier seni om tipis, üpwe feito reöm o angei senuk om we lenien atittin seni lenian.

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe mwütätä pwe epwe mongö seni ewe irän manau mi nom lon än Kot we tanipi.”

Üa silei om kewe föför, om angang weires me om likitü fän mosonotam. Üa silei pwe kosap etiwa ekewe aramasangau. Ka sotuni chokewe mi apasa pwe ir soukünö, nge sap ir soukünö, iwe, ka mefi pwe ir chon chofona.

Ka likitü fän mosonotam, ka tolong lon riaföü fän itei, nge kosap fangatä.

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”