Gewilde Bybelverse vanaf Keneses 18

Deel

Ifa usun, epwe wor och ewe Samol mi Lapalap esap tufich ngeni? Üpwe fokun liwinto reöm mürin eu ier, usun üa fen pwon ngonuk me mwan. Lon na otun Sara epwe nöüni eman ät.”

Iei mine Sara a takir o ekieki lon lelukan, “Ifa usun, ngang üpwe chüen eäni mochenin fituk lon ai chinlap, nge ai samol a pwal chinlap?”

Pun üa silei pwe Apraham epwe wiliti eu mwü mi fokun watte o pöchökül, nge mwün fanüfan meinisin repwe küna ar feiöch me ren.

Mürin, Apraham a kan ngeni o aisini, “Ifa usun, kopwe wesewesen niela chon pwüng fiti chon pwüngingau? Eli epwe wor lime chon pwüng lon ewe telinimw. Kopwe pwal nirela, nge kosap amanaua ewe telinimw fän iten ekewe lime chon pwüng ra nonom lon?

Iwe, ewe Samol mi Lapalap a pälüeni, “Are üpwe küna lime chon pwüng lon ewe telinimw Sotom, üpwe amanaua unusen chon ewe telinimw fän iten ekewe lime.”