Gewilde Bybelverse vanaf Kalatia 5

Deel

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük, tipetekison me tipepwora. Esap wor och allük a ü ngeni ekei sokun föför.

Iei wewen mine üa mochen apasa: Oupwe tipeni pwe ewe Ngünmifel epwe emwenikemi, mürin ousap apwönüetä mochenian fitukemi.

Ewe Ngünmifel a fang ngenikich manau, i epwe pwal fokun nemeni manauach.

Iwe, chokewe ir nöün Kraist Jesus ra iräpengesi mochenian fituker me sokun ar mocheniangau me mochenian leluker.

Iwe, a pwä ekewe angangen fituk: Lisowu, limengau, mocheisou, fel ngeni anümwäl, angangen rong, oputfengen me fiufengen, koumfengen, song, apangau, tipefesen, mwichaiei, lolowo, ünüpuch, mongömong me sokun föför mi wewe ngeni ekei. Üpwe apasasefäli ngenikemi iei, met üa fen ürenikemi me mwan: chokewe mi föri ekei sokun föför resap tongeni mwüni Mwün Kot.

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Pun mochenin fitukach a ü ngeni mine Ngünmifel a mochen, iwe, mine Ngünmifel a mochen a ü ngeni mochenin fitukach. Ekei ruu mochen ra üküfengen, wewen pwe ousap tongeni föri met oua mochen föri.

Pun ekewe Allük meinisin ra unusolong lon ewe eu chök allük, “Kopwe echeni chon arum usun püsin om echenuk.”

Sisap lamalamtekia ika akuffengenikich ika lolowofengen lefilach.

Iwe, sia ngasala, pun Kraist a angasakich. Iei mine oupwe üppos usun aramas mi ngas, ousap chüen atolongasefälikemi lon tettelin amanau.