Gewilde Bybelverse vanaf Vahebheru 10

Deel

Hi nga lekeni misengeletano yathu, nga vamwani va tolovelako kumaha. Aniko ahi laveni tinzila to tsaniselana yotshe mbimo, ngutu-ngutu akuwa mi wonako ditshiku da Mkoma di txi tshuketela.

Ahi laveni tinzila to vhunana, hi txi tsaniselana amu ka lirando ni ka mithumo ya yinene.

Na hi si rereki, ahi yeni masoni ngu kutsana hi txi kombisa txithembo txathu, nguko awule a nga hi mahela txithembiso, mbwo thembeka.

Kha ditshuri, mi fanete kuva ni kutimisela kasi ku mi txi maha kuranda ka Txizimu, mi mana asi txi nga mi thembisa sona.

Ngu toneto, ahi tshuketeleni hi di ni mbilu yo lulama, na hi di tate ngu likholo, hi di ni mbilu yi yi nga basiswa ka wotshe wubihi wa livhalo, ni mmidi wo kuwulwa ngu mati o basa.

Ngu toneto, mi nga karaleni, nguko kutimisela ku fanetwe ngu hakhelo ya hombe.

Nguko, ngako hi txi onha khakwenye, na hi txi di ziva ditshuri ta tinene, kha ku nga ngadi ni mhamba yimwani yo thavisa sionho. Aniko hi rinzela kuya pamulwa ngu nzila yo thisa ni mdhikila wa mndilo wu wu no ya hetisa valala va Txizimu.