Gewilde Bybelverse vanaf Ijosuwa 1

Deel

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Di Ẹnẹyịmavara rẹ ka asị ọ zẹẹ ka Iwe ọda ọnị ọnị sị yị ọ avọọ, ọ hụrẹ ẹ ụvọ o! Ọ kà ọ̀ sịị tụ́ irenu jị ahẹ pooro, ọọdụ ọnịrị ịrahụ, agụvị di ò si eyi pè e, dị ọ mẹ avaba ịsa ana a chẹrẹ hi ịnị anị. Ọ kà ịjọnọọ o vee ree mẹ ịnị ịsa ọnị ọ̀ọ ka ọnị aa mẹ nị, di ee zee yọ.

Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.

Ẹnẹyịmavara kà ọnị a sị aha tụra aha ọnị Ijosuwa ọ̀ jị ahụ ngụ yọ anka ọnị mẹ̀ vịdị kà a yị Imosiisi.

Ộ kà, Imosiisi ana vị ozi ahụ anị mè wusu aanị, Ijosuwa ọ̀ kwẹẹtẹ dị ọ̀ kụ́ avaba Anisirẹrị jịnẹ Okuha Ịjọdanị na ịnị ẹtẹ ọnị ọnị aa sị wa.

 nyị ụmẹ ọnya aanị, ịnị ụmẹ ọnọọ Imosiisi ana vị ozi ahụ Ẹnẹyịmavara ó wusu.  nyị ọnọrụ ọnya aanị ana vị ọnọgụvọ anị ana aā hị́ Ijosuwa. Ịrẹha ada anị ọ rị Inuni nị. Ẹkụhị ọnya Ẹnẹyịmavara ô pe e kà ịrẹyị.

Ộ kà ẹtẹ ọnị ọnị vaa sị yọ ọ kwẹẹtẹ hụụ ịnị ụnọmị va hịrẹ na ngụ Ịrẹbanọnị, hụrị Ịrẹbanọnị na ngụ irehu ọbanyị ọnịrị irehu Iyuhwuretisi ne beri avaba ẹtẹ Anihiti ọnịrị ẹtẹ ana na ngụ oku ọbanyị ana aā hị́ Imeditareniya.

Ẹ rẹ ka àa nyị ọza ọnyọọnyị ana kụ̀ hịrẹ Ijosuwa, dị ọ̀ yị saasa avaba ịrẹyị ọnị ọ kà yị ẹnị nị, vị a vaa wụ́ ọza ọnọọ nị. Ẹ ka ọ nyị nyị ọtụtụrụma kẹnẹ, dị ọ sị ayị vị ọnya.

ẹ na ngụ ịzị aza ẹnịnị kụ́ udi tụ́, dị ẹ̀ kà a yị aza ẹnẹẹ ka e tenyi ịsọyịrị tịtẹ, ka ọ̀ọ na mẹ ẹkụhị ẹẹta tụ́ ọ ẹ vaa jịnẹ nọ akẹnẹ Okuha Ịjọdanị, dị ẹ̀ na dọ ẹtẹ ọnị Ẹnẹyịmavara ana vị Ohomorihi ẹnịnị aa sịị yị wa ana vaa vị ẹtẹ ẹnịnị.