Gewilde Bybelverse vanaf Ọyịkụra 15

Deel

Dị Ẹnẹyịmavara kà ẹ̀ẹ sị ụtọ pè ịrẹyị ọnị ana vị Ohomorihi ẹnịnị dị ẹ yaa mẹ̀ ịsa ọnị ọnị re ka ộ vọrọ nị, dị ẹ sị eyi pè ọda anị dị ẹ yaa saasa a nị, ọnị ọ yị vaa zẹẹ ka ọnyọọnyị ịnị ụkụ ana za Anijipiti avọọ ọ̀ za wa. Ọ kà ọnị ọ vị Ẹnẹyịmavara anaā mẹ wa ụkụ nị.

Ẹnẹyịmavara ọ vị ụkata amị, ọnị ọ vị aha ọyịtẹ̀ amị nị, ọnị ọ vị Ohomorihi ana ada amị hẹkẹ nị, mị vaa sị ọ ngụ ịrẹyị.

Ẹnẹyịmavara, ye re ọnị a nyẹngụ si juwe awụ ịnị avaba ori nịnị? Ẹnẹ ka ọnịrị ẹwụ ộ vị ọpa? Áá nyị ọza ana vị ọnịnị dị ọ rẹ nyị ụbanyị anka ẹwụ. Aza vi ene ee hí angwa agụvị ka wá nyị ụbanyị. Ẹ yị nyị ọza ana zụ mẹ̀ ụkọrọ ịvọpa ẹbanyị-ẹbanyị ọnị ụ waa mẹ.

Ụụ̄ sì ịrẹyị ọza pooro, o mē du wu eyi, ọnị ọ mẹ ka aza ọnị ụ hị́ varẹma waa zụ̀ wa oze nị. Ụ vaa sị ụkata awụụ sị wa na ngụ ịnị ẹtẹ awụ ana vị ọnịnị.

Ẹ mẹ̀ va ngụ ịzị aā hị́ Imara, ẹnịnị e yi zụ hú enyi ana yà ịzọọ agụvị ka aa nyịrẹyị. (Ọnyịnyịrẹyị ọnọọ ọ mẹ ka aa hị́ ọ Imara nị.) Dị aza ẹnẹẹ aa rị ihuhuu hi Imosiisi dị ẹ ka, “Si yee hú aanị?” Di Imosiisi ve nowu na za Ẹnẹyịmavara nị. Dị Ẹnẹyịmavara va sị ọchị ọnya zụ̀ ọ nị. Di Imosiisi sị ọchị ọnọọ di o ne e ngụ enyi ọnọọ nị. Di enyi ọnọọ kụkụ sị rụra hú nị. Dị Ẹnẹyịmavara mẹ ọda yị wa ịzọọ ka ẹ̀ẹ saasa a nị. Dị ọ rẹ zama wa re ịzọọ nị.