Gewilde Bybelverse vanaf MWANDUSO 24

Deel

Katambika yolonga, “MNDEWA, Mulungu wa mndewa wangu Ablaham, lelo ungwelele kija kiniwinzile, ulaguse unozi wako ha mndewa wangu Ablaham.

Ija imndele yondanimulongele, ‘Humulusa nongo yako ning'we,’ yondayalonge, ‘Ing'wa na vivija nowang'weza na ngamia zako,’ hiyo iyo yuumsagulile mtumigwa wako Isaka. Mkutenda vino novitanga kamba kuulagusa unozi wako ha mndewa wangu.”

Isaka kamwingiza Lebeka mdihema da Sala, mamaake. Kamsola Lebeka na kuwa mwehe wake, na kamnogela ng'hani. Avo Isaka kahozigwa umoyo sama ya ifa ya mamaake.

Wammoteza Lebeka na kumulongela, “Gweye, lumbu jetu, uwe mama wa wanhu bwando, maalufu kwa maalufu! Wanago wawe na mhiko na wabokonye miwambo ya wadumuka zao.”

Nokulonda gweye uiduile mditwaga da MNDEWA, Mulungu wa isi na ulanga, kamba humsagulila mwehe mwanangu kulawa mwa wandele wa Kikanaani muisi ino inikala, ila genda kuisi yangu ha ndugu zangu, ukamsagulile mwehe mwanangu Isaka.”