Gewilde Bybelverse vanaf Ohuchaaka 15

Deel

Abburamu naamala naafukiirira bi Omwaami yaboola. Sino syakera Omwaami yaamusangaalira, haandi yaamuyira koti omuundu muluungifu muno.

Ebyo nibyawa, Abburamu yaboneherwa, mani yaawulira Omwaami naamuboolera ati, “Abburamu otatya daawe, olwohuba njia ohuhuwonia mu bidinyu byao byoosi; haandi omukabo kwao kuchia ohuba omuhoongo muno.”

Omwaami mani n'amutusa erwaanyi, naamuboolera ati, “Tingaala aakulu muukulu mani oteemeho ohubala eng'ining'ini, nooba n'onyala ohuchibala.” Mani naamuboolera ati, “Abeechuhulu bao bachia ohuba abaangi batyo.”

Mani bona, emboosi y'Omwaami yeechera Abburamu niyiboola yiti, “Omuwaambe wuno Elieseeri haba siniye ochia ohuba omusiha wao daawe; omwaana wao mweene niye ochia ohuhusihira sa.”

Mani Omwaami n'aboolera Abburamu ati, “Manya mubwadyeeri bweene oti, abeechuhulu bao bachia ohuba bawalukeenda mu syaalo sitaali esyaabwe; haandi bachia ohuba abawaambe ebweene eyo, haandi bachia ohubayira bubi nibabasaandya hulw'embaka y'emyaaka emia chine (400).

Nae Abburamu yakobolamo yaboola ati, “Omwaami Nasaae, ochia ohumberesa omukabo siina? Olwohuba mbulaho omwaana yeesi, haandi omusiha yi ndi nae esiha sino yeeng'ene niye Elieseeri owa Damasiko.”

Hu ludaalo olwo, Omwaami yahola endagaano neende Abburamu n'aboola ati, “Njia ohuberesa abeechuhulu bao eloba lino, ohutulira elalira hu mwaalo kwa Misiri ohwoolera elalira hu mwaalo muhoongo kwa Ewufuraate.

Bachia ohukobola ano hu lwiibulo olwohune, olwohuba esibonereso sy'Abaamoori sisisiiri ohuwa.”