Gewilde Bybelverse vanaf โย​ฮัน 15

Deel

“เยีย เซ อะหงุ่น เฮมย. เม่ย บัว เซ อะหงุ่น ฆว่า. หาย เต้า เฒี่ยง เจี๊ยน เยีย, เยีย หย่า เฒี่ยง เจี๊ยน นิ่น, วั้ว เต้า ฯฒฯ เฒี่ยง เปี๊ยว กิ๊ด อ๊ะ. เม่ย บัว เล่ย ฆอย เยีย นอ, เม่ย บัว ไม้ ไฮ่ โหฒว หาย หญู่ง.

เม่ย บัว อ๋อย หฒุ เฒี่ยง เจี๊ยน เยีย, เยีย ฯฒฯ เฒี่ยง เจี๊ยน เม่ย บัว. เฮมย-ฆว่า ไม้ เฒี่ยง เฮมย-หม่า, ฆว่า ไม้ ไฮ่ เฒี่ยง เปี๊ยว. เม่ย บัว หย่า ฟี่ ฮนั้ง เญย. สี ก๊อง ไม้ เฒี่ยง เจี๊ยน เยีย นอ, เม่ย บัว ไม้ ไฮ่ เฒี่ยง เปี๊ยว.

สี ก๊อง เม่ย บัว เฒี่ยง เจี๊ยน เยีย, เยีย เญย หว่า หย่า เฒี่ยง เจี๊ยน เม่ย บัว, เม่ย บัว โท้ หาย หญู่ง เม่ย บัว ฯฒฯ ตุ๊ วั้ว หญู่ง อ๊ะ.

ไม้ เฒ์ย เม่ย บัว กิ๊น เยีย, เซ เยีย กิ๊น เม่ย บัว. เยีย พ้าย เม่ย บัว ธ้วด มี่ง เฒี่ยง เปี๊ยว ธั้ม, ต้ง เหยียด ลิ์ว ไม้ ไฮ่ หว่าย เญย เปี๊ยว. ฮนั้ง หน่าย เม่ย บัว เต๊ง เยีย เญย บั๋ว เถง หฒั่ง เตี๋ย โท้ หาย หญู่ง, นิ่น ฯฒฯ เหธย วั้ว หญู่ง ปุน เม่ย บัว.

ไม้ ม่าย หาย เต้า ไฮ่ ฮนั้ม นิ่น เญย ก๋อ-โย์ว เก้า ธั้ม เจี๋ย น้าย. เซ เมี่ยน เหว่ย นิ่น เญย ก๋อ-โย์ว เซี้ย แหม่ง ไต่.

หาย ติ้ว ฆว่า เฒี่ยง เจี๊ยน เยีย หย่า ไม้ เฒี่ยง เปี๊ยว นอ, นิ่น พิด กวั่ง. หาย ติ้ว ฆว่า เฒี่ยง เปี๊ยว, นิ่น แอ๋ง ต๊า ฆอย เตว๊ย ปุน เฒี่ยง เปี๊ยว เก้า กิ๊ด.

เยีย เญย หลี่ง เซ ฮนั้ง น้าย, ล่าน อ๋อย หฒุ ฮนั้ม ล่าน ฮนั้ง เยีย ฮนั้ม เม่ย บัว วั้ว นอ.

สี ก๊อง เม่ย บัว เฒี่ยง เปี๊ยว กิ๊ด, เม่ย บัว ฯฒฯ ปุน เมี่ยน ท่าย เยีย เญย เตีย. ฮนั้ง หน่าย เม่ย บัว ฯฒฯ เป๋น เยีย เญย ไซ-ก๋อ.

“เยีย เซ เฒียน อะหงุ่น เฮมย. เยีย เญย เตีย โหฒว โก๋ว หฮวีง วั้ว เต้า.

หาย เต้า ไม้ เฒี่ยง เจี๊ยน เยีย, ฯฒฯ ฮนั้ง ติ้ว เฮมย-ฆว่า หฒุ พิด กวั่ง, ฆาย มี่ง หย่า หฒุ เฑ์า ต้าย ตั๊บ โต์ว-เหฑ่า ปั๊ว กวั่ง มี่ง.

“น้าย เต๋ย หว่า เยีย บั๋ว เม่ย บัว, ปุน เม่ย บัว ไฮ่ ตุ๊ เยีย เญย เฌียน-โย่ว, หย่า เฌียน-โย่ว เถา ต้าว.

สี ก๊อง เม่ย บัว เอย เจี๊ยน เยีย เญย หลี่ง โหฒว, เยีย ฯฒฯ หฒั่นๆ ฮนั้ม เม่ย บัว, ฮนั้ง เยีย เอย เจี๊ยน เยีย เญย เตีย เญย หลี่ง โหฒว, นิ่น ฯฒฯ หฒั่นๆ ฮนั้ม เยีย.

น้าย เซ เยีย เญย หลี่ง, ล่าน อ๋อย หฒุ ฮนั้ม ล่าน.

สี ก๊อง เม่ย บัว เกวย ป้าม เกน, ป้าม เมี่ยน อ๋อย ฮนั้ม เม่ย บัว ฮนั้ง ฮนั้ม เหธา นิ่น บัว เกวย ป้าม เกน วั้ว เต๋ย. มป่า เม่ย บัว ไม้ เกวย ป้าม เกน. เยีย กิ๊น เม่ย บัว ธ้วด ต้าย. เหว่ย น้าย ป้าม เมี่ยน ฑอง เม่ย บัว.