Gewilde Bybelverse vanaf หฑั่ม เล์ย-หลัด 4

Deel

เยียม วั้ว เม่ย บัว อ๋อย ล์อ เฒี้ยว, เม่ย บัว เญย ทิน-ฮู่ง. สี ก๊อง หล่ง เหฑ่ง เฮญี้ยว, หล่ง เหฑ่ง หฒะเอ๋ย ล์อ นิ่น, ฯฒฯ ล์อ ตุ๊ ปวัด อ๊ะ.

เหว่ย หฒุ เฒี้ยว, เม่ย บัว เญย ทิน-ฮู่ง, ค้อ-เลี่ยน เมี่ยน. นิ่น ฒู้ง ไม้ กวั่ง เม่ย บัว, ไม้ เหมียด เม่ย บัว. นิ่น หย่า ไม้ หละคุ นิ่น โฮ้ว เจี๊ยน เหธา เม่ย บัว เญย อง-ถาย แล์ง เจี๋ย เญย แหง่ง หว่า.

เหว่ย หฒุ เฒี้ยว, เม่ย บัว เญย ทิน-ฮู่ง, เซ ฮนั้ง เฮ้น ไห่ เญย โต์ว, ไฮ่ เหมียด เหฑ่ง เหยียด ฒู้ง, หย่า แฑง เจี๊ยน เม่ย บัว.

เม่ย บัว อ๋อย หฒุ ไฝ ฟิม, บู้ง หลง กั้น. เฑ่า เหย เม่ย บัว ไฮ่ หละคุ กั้น เญย มฒีง ปวัด เจี๋ย เญย สี่. เหยียด เสย อ๋อย หฒุ จั๋ง เจี๊ยน หย่า ฒุ่น บั๋ว เม่ย บัว เญย ฝุเจว๊ย ฟุน-ฟะ.

ฮนั้ง หน่าย, อี้ ฮนอย เม่ย บัว อ๋อย หฒุ ฮิ้ว หย่า อ๋อย หฒุ จั๋ง เจี๊ยน, เยียม กู้ หงว่าย ลู่ง หย่า เยียม กะเดี๊ย เดา, เฒี้ยว เซ ต้ง ทิน-ฮู่ง. ธ้วด ลิ์ว นิ่น, ไม้ ม่าย กั้น เต้า ทิน-ฮู่ง.

ไม้ กุ๊น ด่ง หาย โฮล เญย ฝีง, ไม้ ม่าย หาย ฝีง ม่าย นิ่น บัว เญย เฒี่ยน เยียม นิด ฟัด นิ่น บัว, ฮนั้ง บัว โท้ เฒี้ยว เญย เฒี่ยง โห่ ม่าย เฒี้ยว, บัว เญย ทิน-ฮู่ง, เยียม นิด ฟัด บัว.

เม่ย บัว หฒุ โค้ว, หฒุ ปวั้ง น้าย เต๋ย เหยียด ฒู้ง สี่ เญย เฒี่ยง โห่, ฆะฮ้า ฮี้ง เม่ย บัว ฯฒฯ หฑวน ต้าย ล์อ เฒี้ยว, เม่ย บัว เญย ทิน-ฮู่ง, หมวัง นิ่น เญย หว่า

น้าย เต๋ย หัด เญย หว่า ไม้ ตู๋ง ทิบ เปียะ หย่า ไม้ ตู๋ง เฒาะ ธ้วด เหยียด เต๋ย. เม่ย บัว อ๋อย หฒุ เอย เจี๊ยน เยีย บั๋ว เม่ย บัว น้าย เต๋ย เล์ย-หลัด, เซ เฒี้ยว, เม่ย บัว เญย ทิน-ฮู่ง, เญย เล์ย-หลัด.