Gewilde Bybelverse vanaf Genesis 41

Deel

Si Jose mitubag, “Dili ako! Ang Dios maoy mohatag kang Paraon sa tukma gayod nga tubag.”

Ug miingon si Paraon kanila, “Asa man kita makakitag laing tawo nga sama kang Jose nga nagbaton sa espiritu sa Dios?”

Busa miingon si Paraon kang Jose, “Kay gipadayag man sa Dios kanimo kining tanan, walay tawo nga labaw kanimog salabotan o mas maalam pa kay kanimo. Himoon ko ikawng gobernador sa akong nasod ug ang tanan kong katawhan motuman sa imong sugo. Ako ray labaw kanimo kay hari man ako.

Ug miingon pa gayod siya, “Gihatagan ako sa Dios ug mga anak dinhi niining yutaa diin nagkalisodlisod ako.” Busa ginganlan niyag Efraim ang ikaduha niyang anak.

Si Jose miingon, “Ang Dios maoy nagbuot nga ako malimot sa akong mga pag-antos ug sa tibuok panimalay sa akong amahan.” Busa ginganlan niyag Manases ang una niyang anak.