Gewilde Bybelverse vanaf Bɛ̈n 15

Deel

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈nydït yen aye riɛldï, ee yen ë kony ɛn. Ee yen ee Nhialicdï, ka abä leec. Ee Nhialic de awuur, ka abä piɔ̈ny dhuëëŋde.

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Na wën, ke ke ɣet të cɔl Mara. Ku pïïu ke ëtɛ̈ɛ̈n akeckï, gokï kɛ̈n bɛ̈n dek thïn. Yen kë ë ciëk ëtɛ̈ɛ̈n ka an Mara (an akec). Na wën, ke kɔc ë dok në Mothe, ku lopkï an, “Eeŋö buk dek?” Go Mothe Bɛ̈nydït lɔ̈ŋ në piɔ̈nde ëbɛ̈n, go Bɛ̈nydït e nyuöth tim. Na wën, ke Mothe ë nöm tim ku cuɛt ë pïïuwiic, go pïïu miɛt. Na wën, ke gëm ë Bɛ̈nydït ke lööŋ ëtɛ̈ɛ̈n, lööŋ ke rëër, ku them keek ëtɛ̈ɛ̈n ayadäŋ.