Gewilde Bybelverse vanaf Якьубдин 1

Deel

Йиз гъардшар, учвʼин гьар жюре читинвалар алахьруган, учву лап бахтлу касарси гьисаб апӀинай, фицики, ичв хъугъувал читинвалариантина удубчӀвруган, сабурлувал арайиз гъюруб аьгъячвуз.

Эгер учвкан шлиз аькьюл гьубкӀрадарш, дугъу, гьяйиф ктарди багъиш апӀру ва камивалар дарагру Аллагьдикан тӀалаб апӀри ва Аллагьди дугъаз тувди.

Йиз масан гъардшар, гьаммишан гафар апӀузтӀан – кӀурубдихъ хъпехъуз гьяракатнаъ йихьай ва хъял кубчӀвуз гьялак махьанай

Ва гьамциб сабурлували чан ляхин кӀулиз адабгъну ккунду, гьамдиинди учву гьуркӀдар ва тамамдар шулачва, учвуъ камивал хьибдар.

Аллагьдин гаф тамам апӀинай, хъа эгер учву думу деебхьнутӀан гъибтдарш, учву учвуз кучӀлар апӀурачва.

Читинвалариъ ахърур хушбахтавар ву. Читинвалариан Аллагь ккунди удучӀвуриз, Аллагьдихьан, Чав Гаф тувнайиси, гьаргандин уьмрин таж рубкьиди.

Гьарсаб ужувлаз апӀурайи ляхин ва гьубкӀну вуйи хъуркьвал заълан, Аллагьдихьан, аьршарин акв арайиз гъабхи Адашдихьан вуйиб ву. Аллагь гьаммишан сабсир ву ва гьюдюхрур дар.

Эгер шли, Аллагьдин аьгъювалариъ кӀурайидар дарапӀри, деерхьнутӀан гъитрадарш, думу гюзгдиан чан маш рябкъюрайириз ухшар ву. Думу чаз дилигну гьудучӀвиди ва гьадму гагьди, учв фицир вуш, кӀваълан гьархди.

Аллагьдизна Аьршарин Адашдиз ккуни чиркин дару марцци дугъривал – касибвалиъ айи ачӀни хпаризна йитимариз кюмек апӀувал ва жвув гьаму дюнʼяйин чиркинвалариккан уьрхювал ву.

Читинвалариъ ахъру сарира «Му читинвалар Аллагьди гьаънайидар ву» дупну ккундар, фицики Аллагьдин писваларихъди вуйиб гьич фукӀара адар ва саризра читинвалар гьаъдар. Хъа гьарсар кас чан тямягьяри зигура, хъа ккаъра ва дючӀюркьну гъитра.

Касибвалиъ айи гъардаш Аллагьдин улихь учв заан вуйивалиин фурслуди ккунду.