Gewilde Bybelverse vanaf यूहन्‍ना 19

Deel

कन्‍छ्वाब येशूदे हम्‍ब अङ्‍गुरजे क्‍यूङ् ची म्यङ्दे हन्‍छ्वाब ङूदे यदे, “जेम्‍से जेङ्‍कदे”, मेस्‍ये ट कूत्‍तू चीत्‍देबे दीयो पूत्‍दे।

होर्‌‍देङ्‍येदे येशूदे साप्‍ता पो जेम्से जेङ्‍कब था प्रेत्‍देबे धर्मशास्त्रने लिख्दीयेब पो पूरा क्यूस्से पीनने यदे “ङ क्‍यू फै क्‍यूरी।”

कन्‍छ्वाब येशूदे हैयाने रङ्से म मेस्‍ये ङूदे कूम छेब स्यूस्स्या ट्‌याने मेर्‌नब तङ्दे, हन्‍छ्वाब ङूदे रङ्से मने यदे, “ओ माइ! ले, नैजे च।” होर्‌दे येशूदे हम्‍ब स्यूस्स्याने यदे, “ले, नैजे म।” हम्‍ब दिनमेस्‍ये येशूजे म हम्‍ब स्यूस्स्यादे रङ्से कीम्‍ने स्‍योल्‍गीदे।

कन्‍छ्वाब थमयू येशू ट्‌याने रदे हन्‍छ्वाब थमयूदे येशू तरखूम्‍ने सीये तङ्दे, मेस्‍ये येशूजे तोप् अन्क्‍य्‍वे। तर सिपाईयू नङ्ने त्‍यादे ङूजे खैसेने भल्दे स्‍यूल्‍दे, मेस्‍ये का प्रे क्‍यू योङ्‍रदे।

“ङूजे नोङ्‍र्‌यायू कम्बये अन्क्‍य्‍वे” यब धर्मशास्त्रजे वचन पूरा क्‍यूस्‍स्‍य यदेबे येरे क्‍यूत्‍दे। होर्‌दे धर्मशास्त्रजे सूजो ने त्‍याने येरे लिख्दीये ख्यङ्, “थमयूदे सूने स्‍यूल ख्यङ्, थमयूदे ङूने लेक्‍क्‍य।”

येशू रङ्सेजे क्रूस प्‍लेत्‍देबे ट खोका यब नेने फ्‍योइदे, हिब्रू केदे अम्‍बने गलगथा यीय।

मेस्‍ये सिपाईयूदे च्वोजे मुकुट तादेबे ङूजे टने कूमीदे, होर्‌दे बैजनी रङ्जे कोला ङूने होम्‍मीदे