Gewilde Bybelverse vanaf Yohani 15

Deel

“Ane ne lutabo ulwa mampesya, sona amwe mwe samba zyache. Umuntu wesi yuyo akwikala mumwane, sona nane mumwache, akwiza pakupa ivikomwa inyinji. Pakuti ukusita ane mutangabomba nachimo.

Mubanje mumwane, po nkwiza pakwikala mumwinyu. Akasamba katangela ivikomwa pakene nanti katamamatilanite kulutabo ulwa mampesya. Namwe bulo mutangapa ivikomwa nanti mutakuba mumwane.

Nanti amwe mukwikala mumwane, ghope amazyu ghane ghakwikala mumwinyu, mukwiza pakulaba chosi chicho mukulonda, po mukwiza pakuchipokela.

Mute mwemwe mukansala awe, loli nene nkabasala amwe. Po nkabasala nukubimika ukuti mubuke nukupa ivikomwa ivyinji, ivikomwa vivyo vikwiza pakubangako bwila. Sona Utata akwiza pakubapa chosi chicho mukulabila mwitabwa lyane.

Nayumo umuntu yuyo ali nu lughano ulukulu nkani ukuchila ulu ulwakuti abutaghe ubumi bwache pachifukwa icha bamanyani bache.

Akudumula papane akasamba kosi kako katakwela ivikomwa, loli akupalantila akasamba kosi kako kakwela ivikomwa, umwakuti kele ivikomwa ivyinji.

Ili lyo lilamulo lyane: Mughananaye ukuyana namumo nane imbaghaniye.

Ubuchindamu ubwa Tata wane bukulanjiziwa bo mukupa ivikomwa ivyinji. Po bunubu amwe mukulanjizya ukuti mwe bamanyili bane abanaloli.

“Ane ne lutabo ulwa mampesya ulwanaloli, loli Utata we mulimi.

Umuntu wesi yuyo atakwikala mumwane akusumbiwa kuzi ngati ko kasamba nukumila. Utusamba ngati to utu bakutubungannya poka nukusumbiwa pamoto, nukochiwa.

“Nababuzya zinizi ukuti ubuhobosu bwane bubanje mumwinyu nukuti ubuhobosu bwinyu bubanje bwakufikapo.

Nanti mukukonka amalamulo ghane, mukwiza pakwikalagha mulughano ulwane, ukuyana namumo nane nivwiliye amalamulo agha Tata wane nukwikala mulughano ulwache.

Po ili lyo lilamulo lyane: Mughananaye.

Nanti mukabanga mwe bantu aba muchisu ichapasi, po ngali bantu aba muchisu ichapasi babaghanite amwe pakuti muli poka nabo. Loli nkabasala amwe pakasi pabantu aba muchisu ichapasi, po mute sona bantu aba muchisu ichapasi. Ichi cho chifukwa bantu aba muchisu ichapasi bakubabenga.