Gewilde Bybelverse vanaf Mateusi 27

Deel

Ãmẽ ijãpẽ kwaray remẽ Jesu wapukai wayvo. Kee e'i wayvu rupi: – Eri, Eri, rama sapakatani! e'i. “Janejare'e, manyvore põ ereity rejupa?” jaa tè aepo e'i.

Ãmẽ oiko Janejare'e moe'ea retã wyry pè kamisa ijanamu mã'ẽ ijokenaa rõmõ mã'ẽ, ikatuay mã'ẽ. A'e Jesu omãnõ remeve apy'a ojiãvasĩ. Yvate kyty wyi tesõ ojiãvasĩ ojisa. Ãmõ, yvy otyty tesõ teve. Pareti kõ otororo tesõ teve. Teãgwerà kõ rena kõ ve tesõ otororopa, pareti kwarà kõ. Ameve Janejare'e werovija maekwerà kõ reãgwerà kõ opoerapa oẽ oẽ, mõa'ãrõwã. A'e kõ Jesu opoera opõ'ã paire, oo Jerusarẽ taa kyty. A'e pè mõa'ãrõwã jane kõ omã'ẽtà ee kõ.

Ameve Jesu wayvo wapukai ojikyi oo. Opi i'ãg oẽ oo.

Ãmẽ Jesu omãnõ remẽ, sota kõ rõvijã mõ ipyri'ĩje'ẽ tui upa, wemĩgwai sota kõ reve. A'e kõ Jesu mãnõa rè omã'ẽ upa. Yvy tytya rè teve omã'ẽ kupa upa. Pirujẽ a'evoa rè omã'ẽ kupa upa. Ojimonyijay ee omãjã kupa. Ameve tite e'i sota kõ rõvijã: – Janejare'e Ra'yry tè sikaepo sijuka! e'i.

Jane 'aryvo katu kwaray remẽ apy'awarà mõ ijãpatõma. Pãtõma 'ejẽ ajaate ijãpẽ kwaray remeve. Pirujẽ a'e yvy rupi pãtõnusu.

Ãmẽ Piratu e'i ijupe kõ: – Jesu pa'e? Janejare'e Remimuurerà eu mã'ẽ? Manyvotà põ areko? e'i. – Yvyra jipokana rè ejukaoka! e'i e'i kupa. Aepo e'i kupa rewarà mõ Piratu e'i: – Manyvo rewarà mõ põkõ ajukaokatà, ãwisõ naikoi 'eteay ijaiwererà ee remẽ? e'i. Ne'i kupa ajamã'ẽ. Ãmẽ ywesõ wapuka pukai kupa. – Ejukaoka yvyra jipokana rè! e'i kõrijõ kupa.