Gewilde Bybelverse vanaf Mateo 27

Deel

Pag-alas tres naman sumiyak si Jesus, “Eloi, Eloi, lama sabachtani?” na an gusto sabihon, “Dios ko, Dios ko, nano kay ginpabayaan mo ako?”

Sadto man nagisi sa tunga an kurtina san templo tuna sa ibabaw paubos. Naglinog kag napihak an kabatuhan. Naabrihan an mga rulubngan kag damoʼn nagkamaratay na mga banal an nagkaburuhay gihapon.

Pero nagsiyak gihapon didi si Jesus sin makusog kag sana mismo gin-intriga niya an iya espirito sa Dios.

Paglinog kag pakakita san tanan na pangyayari, nagkaharadlok an namumuno san mga suldados kag san mga kaurupod niya na adto didto nagabantay kan Jesus. Tapos nakasabi, “Matuod man gayod na ini na tawo anak san Dios!”

Mga alas dose an udto san magdulom an bilog na nasyon hasta na mga alas tres an hapon.

“Kun sugad nano an himuon ko sani na tawo na ginatawag na Cristo?” hunga naman ni Pilato. Nagsiriyak an tanan, “Ipapako siya sa krus!” Naghunga gihapon si Pilato, “Kay nano? Nano an karautan na nahimo niya sa iyo?” Pero mas lalo na nagsiriyak sindaʼn makusog, “Ipapako siya sa krus!”