Gewilde Bybelverse vanaf 1 SAMUEL 2

Deel

Niemand is heilig soos die HERE nie! Niemand is u gelyke nie; daar is geen Rots soos ons God nie.

Hy verhef die minderwaardige uit die stof, die behoeftige uit die ashoop! Hy behandel hulle soos prinse en laat hulle op ereplekke sit. “Die onwankelbaarheid van die aarde kom van die HERE. Daarop het Hy die wêreld gebou.

Hy beskerm die getroues op hulle lewenspad, maar die goddeloses word in die graf stilgemaak. Dis nie deur eie krag dat ’n mens oorwin nie.

Die HERE maak een arm en die ander ryk; Hy trek een af en lig ’n ander op.

Die HERE laat doodgaan en laat lewe; Hy bring sommige na die graf, maar wek ander weer op.