1
MATEO 27:46
Maung a Balita Biblia
PnPV
Nen sakey ya alas tris ed ngarem, inmeyag si Jesus na makmaksil, Eli, Eli, lema sabachthani? a labay ton ibaga, Dios ko, Dios ko, akin et inkaindan mo ak?
Vergelyk
Verken MATEO 27:46
2
MATEO 27:51-52
Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato, alokasan iray lobuk, tan amayamay ya inaatey lan totooy Dios so apaolid bilay.
Verken MATEO 27:51-52
3
MATEO 27:50
Inmeyag lamet na maksil si Jesus, insan inyawat toy ispiritu to.
Verken MATEO 27:50
4
MATEO 27:54
Ataktakot a maung imay kapitan tan saramay sondalon kaiba to a mambabantay ed kinen Jesus nen naimatunan da may yegyeg tan amin ya agawa. Inkuanda, Tuan sikatoy Anak na Dios!
Verken MATEO 27:54
5
MATEO 27:45
Nanlapud alas dosi ya anggad alas tris na ngarem, binmilonget so intiron dalin.
Verken MATEO 27:45
6
MATEO 27:22-23
Inkuanen Pilato, Anto sirin so gawaen kod kinen Jesus a tatawagey Cristo? Paipasak mod krus! inebat dan amin. Tinepet nen Pilato, Akin, antoy ginawa ton maoges? Balet lalon inkasikasil dan ineyag, Paipasak mod krus!
Verken MATEO 27:22-23