获取软件Kha vha ṋee Mudzimu vhuimo ha u thoma预览
Tshiṱirathedzhi tsha Mbuno Ṱhanu dza u Tshila kha Gundo
Ndima iyi i ṋea mbuno 5 dza nḓila yo tewaho Bivhilini a u lwa na na tshivhi na mulingo. U tevhedza pulane iyi ndi iṅwe nḓila ya nḓila dza u ṋea Mudzimu vhuimo ha u thoma vhutshiloni havho!
1. KHA VHA PFHESESE URI MUDZIMU U VHA VHONA SA MUTHU O FHELELAHO, MUKHETHWA NA A SA SOLISEI, nga mushumo wa Yesu Kristo. (Kha vha vhale Vhakorinta II 5:21.) Zwino-ha vha re vhathihi na Khristo Yesu a vha tsha laṱwa (Vharoma 8:1).
2. KHA VHA ḒIBULE ZWIVHI ZWAVHO. (Vha vhale I Johanisi 1:9.) U ḓibula tshivhi tshashu zwi amba u thoma ra ṱanganedza zwenezwo zwivhi mbiluni dzashu na mihumbuloni yashu, ra konaha u zwi ḓibula kha Mudzimu. U ḓibula tshivhi tshashu a zwi ambi u zwi bvisela khagala kha vhaṅwe. U ḓibula zwi vhukati haṋu na Mudzimu.
3. VHA VHE NA VHUḒIFHINDULELI. (Vha vhale Yakobo 5:16.) U wana khonani ya tsinisa ya Mukhriste ine vha i fulufhela, mufunzi kana muraḓo wa muṱa ane vha nga mu vhudza zwiphiri zwavho ndi nḓila i shumaho ya u ḓisa vhuḓifhinduleli na thikhedzo ya thabelo kha nndwa yavho.
4. VHA ḒIILEDZE ZWVHANGI ZWA MULINGO. (Vha vhale Yakobo 1:13-15.) Heyi ndi mbuno i konḓaho vhukuma u i tevhedza, nahone i ṱoḓa muhumbulo u no kona u dzudzanya. Ngoho ndi ya uri arali vha kona u ḓiiledza mulingo, vha ḓo ila tshivhi.
5. VHA VHALE IPFHI ḼA MUDZIMU. (Vha vhale Phisalema ya 119:11.) Ipfhi ḽa Mudzimu ḽi ri vhudza zwi khagala uri musi ri tshi “zwi dzumba mbiluni dzashu,” ḽi ṋea maanḓa o khetheaho a u hana milingo na tshivhi.
读经计划介绍
U ṋea Mudzimu vhuimo ha u thoma vhutshiloni hashu a si tshiitei tshine tsha itea luthihi fhedzi . . . ndi maitele a vhutshilo hoṱhe kha Mukriste muṅwe na muṅwe. Hu sa londwi uri vha muswa kha lutendo kana ni mutevheli wa Khristo “wa kale na kale,” vha ḓo wana pulane iyi i tshi vha lelutshela na u pfhesesea na u shumisea, na tshiṱirathedzhi tshi shumaho vhukuma tsha vhutshilo ha gundo ha Vhukhriste.
More
