Kha vha ṋee Mudzimu vhuimo ha u thoma预览

Mudzimu U Ṱoḓa Vhuimo Ha U Thoma Mbiluni Yavho

Kha lushaka lwa ṋamusi, vhanzhi vha tea ndeme yavho kha lupfhumo, uri vha ṋamela “vhulegelege ha zwa mabindu” u swika ngafhi,” uri bindu ḽavho ḽi khou bvelela lungafhani, kana vha tou ḓitika nga uri vha ḓivhana na nnyi.

Fhedzi arali kuvhonele kwashu kwa ndeme ya zwithu ku tshi sedza kha zwa masia enea, ri ḓo ḓipfha ro takala fhedzi musi ri tshi khou bvelela kha enea masia. Musi lupfhumo lwashu na u bvelela hashu zwi tshi fhungudzea, tshirunzi tshashu tshi ḓo tsa ngauri mutheo washu u ḓo vha u songo khwaṱha. Yesu o zwi ṱalusa nga heyi nḓila:

“Hone ane a ri u pfa zwine nda amba a si zwi ite, u fana na muthu ane a sokou fhaṱa nnḓu kha muṱavha a songo bwa na muteo; musi mulambo u tshi ḓa wo ḓala wa i thudza ya mbo ḓi fhasi huru.” Lukasi 6:49

Vhuvha hashu ho khwaṱha fhedzi u fana na mutheo une ra vhu vhea khawo. Nga u tea vhuvha hashu kha mutheo wo khwaṱhaho sa tombo wa Yesu Kristo, u fushea hashu vhutshiloni a hu nga ḓo ḓitika nga nyimelo dzine dza shanduka dza zwithu zwa tshifhinganyana.

Musi Kristo e mutheo washu, u dzika hashu hu nga heyi nḓila:

“U fana na muthu we a ri a tshi fhaṱa nnḓu a tou bwa vhukuma a tea kha lutombo. Mulambo wa ḓa wo ḓala wo tou pha, wa thudza iḽa nnḓu, fhedzi i sa vhuye ya dzinginyea, vhunga yo fhaṱwa ya khwaṱha.” Lukasi 6:48

Kha vha humbule lwa tshifhinganyana nga ha zwithu zwinzhi zwine vha nga zwi khetha vhutshiloni zwine vha nga fanela u fhaṱa mutheo wavho wa ndeme khazwo. Hezwi zwi nga katela lupfhumo, mushumo, mbonalo, muṱa, bvumo, maanḓa kana uri vha ḓivha nnyi. Hu na zwiṅwe zwine vha khou zwi humbula? Kha zwithu zwoṱhe zwine ra fanela u ḓitika ngazwo, ndi Yesu fhedzi ane a ri khwaṱhisedza vhutshilo ha Vhukriste vhune ha kunda.

Fhedzi arali vha ṱolisisa dziṅwe khetho, a hu na na nthihi ine ya sa vhe yavhuḓi kana ine ya vha mmbi nga lwa mvelo. Zwi re zwone ndi uri kha masia manzhi, hu na masia a ndeme vhukuma a vhuḓifhinduleli e Mudzimu a ri ṋea one vhutshiloni hashu. Fhedzi kha bugu ya Mateo, Yesu o ri thusa uri ri linganyisele.

“Ndi zwone zwine nda ri ni songo ṱolou ḽa mbilu nga zwine na lila vhutshiloni haṋu na ri ni ḓo ḽani, ni ḓo nwani, ni ḓo ambarani? Kani vhutshilo a vhu fhiri zwiḽiwa? Muvhili a u fhiri zwiambaro kani? Edzonu vhona zwiṋoni: a zwi zwali mbeu, a zwi na tshine zwa kaṋa, a zwi kuvhanganyeli maḓuluni, hone Khotsi aṋu wa ṱaḓulu u ḓi zwi ṋea zwiḽiwa. Inwi a ni zwi fhiri kule naa?” Matiosi 6:25-26.

Musi ri tshi tandulula yeneyi ngoho vhutshiloni hashu, ri wana mulalo na u fushea, ri si tsha vha na mbilahelo na mazhuluzhulu. U linganyisela uhu hu swikelelwa musi ri tshi vhea Yesu phanḓa kha masia oṱhe a vhutshilo hashu.

“Tsha u thoma lusani u vhuswa nga Mudzimu na u ita zwine a funa, hezwo zwiṅwe zwoṱhe ni ḓo tou ingwa.” Matiosi 6:33

Rothe ri na miloro, zwipikwa na zwine ra zwi tama ngauri Mudzimu o ri sika uri ri vhe nga nḓila yeneyo. Fhedzi u vhea Yesu phanḓa zwi fanela u ita uri vha ṱolisise zwithu zwine vha zwi vhea phanḓa na zwiṱuṱuwedzi zwavho zwa uri ndi ngani vha tshi tama u ita kana u swikelela zwithu zwine vha zwi tama. Musi A tshi vha wa u thoma kha miloro yavho na zwine vha zwi tama, vhumatshelo havho vhu ḓo ḓala u ḓihudza na dakalo!

Musi Mudzimu a tshi vha vhudza tshiṱuṱuwedzi tshi timatimisaho, phindulo yavho ya ndeme vhukuma i fanela u vha u ḓiimisela u ita tshanduko. Tshiṅwe tshifhinga tshanduko i nga konḓa, fhedzi Mudzimu u dzula o ḓiimisela u ri itela zwivhuya, nahone u ṱoḓa uri vha aluwe muyani.