获取软件Kha vha ṋee Mudzimu vhuimo ha u thoma预览
Fhethu ha Mudzimu, Pfhufho Yanga!
Vhuimo ha u thoma - ndi ndivho yo livhiswaho kha vhoṱhe vhane vha ṱaṱisana. Hu sa londwi uri ndi muṱaṱisano wa muthu nga eṱhe kana wa tshigwada, tshikoro kana tshifhinga tsha khwinesa ndi tshone tshine tsha kunda, nahone vhuimo ha u thoma tshifhinga tshoṱhe vhu ḓisa pfhufho ya nṱhesa kha ane a swikelela yeneyo phambano ya ndugelo. Tshifhinga tshoṱhe, ndi uri, nga nnḓa ha tshithu tshithihi tsha ndeme.
Ri sa athu tshidzwa, ri anzela u ḓivhea kha vhuimo ha u thoma vhutshiloni hashu - u ḓitshilela, u fusha zwipikwa zwashu zwa tseḓa, u ṱuṱuwedza zwine zwa takadza iwe mu fhedzi. Fhedzi musi ri tshi vha Vhakhriste, vhuimo ha u thoma a vhu tsha vha hashu; vhu vha ha Mudzimu.
U ṋea Mudzimu vhuimo ha u thoma vhutshiloni hashu, zwo thoma nga ḓuvha ḽa u tshidzwa hashu, fhedzi u tendela Mudzimu a tshi dzula e wa u thoma kha masia oṱhe a vhutshilo hashu ndi maitele a sa gumi. Musi ri tshi ita ngauralo, ri tshila vhutshilo ro fushea na u fhaṱutshedzwa kha Kristo fhano ḽifhasini, nahone ra wana ifa ḽa vhutshilo vhu sa fheli ha phaṱhutshedzo dzi sa vhalei na Mudzimu ngei Ṱaḓulu u ya nga hu sa fheli.
读经计划介绍
U ṋea Mudzimu vhuimo ha u thoma vhutshiloni hashu a si tshiitei tshine tsha itea luthihi fhedzi . . . ndi maitele a vhutshilo hoṱhe kha Mukriste muṅwe na muṅwe. Hu sa londwi uri vha muswa kha lutendo kana ni mutevheli wa Khristo “wa kale na kale,” vha ḓo wana pulane iyi i tshi vha lelutshela na u pfhesesea na u shumisea, na tshiṱirathedzhi tshi shumaho vhukuma tsha vhutshilo ha gundo ha Vhukhriste.
More
