Ìjọsìn fún Ọlọ́runÀpẹrẹ

Bí A Ti Ṣe Lè Ní Ìjọsìn Tí ó Wà Láàyè

A gbọ́dọ̀ jẹ́ kí Ọlọ́run kí Ó jẹ́ Òun fúnra rẹ̀ nínú wa. Èyí túmọ̀ sí pé a gbọ́dọ̀ jẹ́ kí Ó jẹ́ Òun fúnra Rẹ̀ nínú àwọn ẹlòmíràn pẹ̀lú. A kò gbọ́dọ̀ sọ̀rọ̀ lòdì sí bí àwọn ẹlòmíràn ṣe ńṣe ìjọsìn wọn.

Àmọ́ ìjọsìn tó jẹ́ ti àwọn tí ó ga láwùjọ tàbí èyí tí ó dà bíi eré amárayá, ìjọsìn tí í ṣe ti ìṣe ara tàbí èyí tí ó kàn rẹwà nìkan jẹ́ ìjọsìn àforúkọ jẹ́ lásán. Ní òde ó ní ìrísí ìjọsìn ṣùgbọ́n kò si otitọ nínú rẹ̀. Ohun tí à ń fẹ́ ní ijọsin tí ó wà láàyè. Àmọ́ báwo ni èyí ṣe ma ún wáyé?

Àwọn ilé ìjọsìn wa kò yẹ kó jẹ́ ibi tí àwọn tí kò ti di àtúnbí ń wá ní Ọjọ́ Àìkú nítorí pé wọ́n "fẹ́ràn bí a ti ún ìjọsìn." Àwọn ilé ìjọsìn wa gbọ́dọ̀ jẹ́ ibi tí àwọn tí kò tíì di àtúnbí kò ti ní ìtura nítorí pé Ẹ̀mí ni ó ṣe pàtàkì, ohun sì ni ó ṣíwájú. Ìlànà tó ń darí wa gbọ́dọ̀ jẹ́ ìgbọràn sí Ẹ̀mí—ibi yòówù kí ó darí wa sí.

Orin Dáfídì 37:4 ṣe pàtàkì fún gbogbo wa, ẹnikẹ́ni tí a báà jẹ́ tàbí ohunkohun ti a bá fẹ́. Ṣùgbọ́n nígbà tí a bá yọ̀ nínú Olúwa, àwọn kan lára ìlépa wa lè di ohun tí kò ní sí mọ́, tí àwọn èròńgbà tuntun á sì rọ́pò wọn. Nítorí náà, kò ní bá ọgbọ́n mu ká máa ronú pé ohun kan pàtó la fẹ́ kí ìjọsìn wa jẹ́. Lákọ̀ọ́kọ́ ná, a gbọ́dọ̀ rí i dájú pé à ń yọ̀ nínú Olúwa, kí a sì ma wòye ohun tí Ọlọ́run Yóò orin Dáfídìṣe.