Ìjọsìn fún Ọlọ́runÀpẹrẹ

Ìjọsìn pẹ̀lú Gbogbo Ara Ẹni

Nígbà tí a bá ń sọ nípa ìmísí ti Ẹ̀mí, à ń sọ ní ọ̀nà kan nípa àwọn èrò. Mo gbà pé èyí léwu gan-an, nítorí pé bí nǹkan ṣe rí ní ara ènìyàn lè mú kó ṣe àwọn nǹkan tí ó ṣe àjèjì.

Àwọn ènìyàn tí ẹ̀rí ọkàn wọn kì í jẹ́ kí wọ́n ṣe ohun tí kò tọ́, tí ẹ̀rí ọkàn wọn sì ń dà wọ́n láàmú, lè wá láti ṣe àtúnṣe sí ìwà òmùgọ̀ tí wọ́n hù nípa ṣíṣe ohun tí wọ́n rò wípé ó jẹ́ ìfẹ́ Ọlọ́run. Ẹnìkan lè máa rò pé òun ń rí ìdarí ti ẹ̀mí nígbà tí ó jẹ́ pé gbogbo ohun tí ó ń ṣe ni pé ó ń sa ipá ni ti ènìyàn láti ṣe àtúnṣe sí àṣìṣe tí ó ti ṣe s'ẹ́yìn. Bí a bá ṣe ìgbọràn sí ìdarí ti Ẹ̀mí, ó máa ń yọrí sí ìbàlẹ̀ ọkàn tí kò ní àfiwé.

Ó rọrùn láti rò pé ìmísí tí ó jà jú ní ti ọgbọ́n inú tàbí ti ọpọlọ àròjinlẹ̀. Ṣùgbọ́n Ọlọ́run fẹ́ láti bá wa sọ ọ̀rọ̀, kì í kàn-án ṣe ni ti óye nìkan. Ọlọ́run fẹ́ láti bá gbogbo ẹ̀dá wa sọ̀rọ̀ - ìyẹn àwọn èrò ara wa, ìmọ̀ inú wa àti ọkàn wa.

Ìjọsìn tòótọ́ máa ń wáyé nígbà tí a kò bá bẹ̀rù láti sọ ohun tí ó wà ní ọkàn wa. Ìjọsìn ni láti mú wa dé ibi tí a ti lè jẹ́ olóòótọ́. A kò ní láti màa ṣe àtẹ̀mọ́ra bí nǹkan ṣe rí l'ára wa nígbà tí a bá wà nítòsí Jésù. Kò ní bá wa wí fún ṣísọ òtítọ́ wa. Kò túmọ̀ sí pé a tọ̀nà, ṣùgbọ́n bí a bá jẹ́ olóòótọ́, Ó lè ràn wá lọ́wọ́, kí Ó sì mú kí a rí ibi tí a ti ṣe àṣìṣe, àti láti kojú òtítọ́.