یسوع: ہماری فتح کی پہچاننمونہ

ڈر پر فتح

ہماری دنیا آج کل دل سوز خبروں سے بھری ہے اور ناختم ہونے والی بری خبریں ہمارے ارد گرد پھیلی رہتی ہیں، بڑی آسانی سے ڈر ہم پر چھا جاتا ہے۔ ہم ایسی چیزوں سے ڈرتے ہیں جن کو ہم جانتے بھی نہیں، ہم درد اور کسی نقصان سے ڈرتے ہیں، اس خیال سے ڈرتے ہیں کہ ہمارے پاس ترقی کرنے کا موقع نہیں۔ مگر جب ہمارے بے عیب نجات دہندہ نے ہمارے گناہ کا کفارہ دینے کے لئے صلیب اٹھائی تو اس نے ہم پر کامل محبت ظاہر کی۔ محبت کی طاقت کے سامنے گناہ کے اثرات اور دنیا کی تاریکی جس میں ڈر بھی شامل ہے مغلوب ہیں۔

1 یوحنا 4 : 18 میں بیان کیا گیا ہے کہ "۔۔۔کامِل مُحبّت خَوف کو دُور کر دیتی ہے۔۔۔"صلیب پر اس محبت کے کامل اظہار سے یسوع ڈر پر فتح کو ظاہر کرتا ہے اور وہ ہمیں اس فتح میں شامل ہونے کی دعوت دیتا ہے۔ وہ چاہتا ہے کہ ہم ذہنی، دلی اور روحانی طور پر اطمینان سے رہیں۔ مگر یہ ہماری مرضی ہے کہ ہم اس فتح مند محبت کی طاقت کو حاصل کریں اور اس میں آگے بڑھیں۔ رومیوں کے نام خط 8 :38 میں پولس رسول بیان کرتا ہے کہ اس کو یقین ہے کہ ہمیں خدا کی محبت سے کوئی چیز جدا نہیں کر سکتی۔ ہمارے پاس بھی یہ موقع ہے کہ ہم خدا کی محبت پر جو ہمارے لئے ہے لا تبدیل یقین رکھیں اور اس محبت ہے حاصل ہونے والے اطمینان میں قائم رہیں۔ اگر کبھی آپ کے دل میں یہ سوال آئے کے خدا کی محبت کی انتہا کیا ہے تو آپ صلیب کی طرف نظر کریں۔

جب ڈر آپ کے دروازہ پر دستک دیتا ہے تو آپ کو انتخاب کرنا ہے: کہ آپ اسے خود پر قبصہ کرنے دیں یا یاد کریں یسوع کا فتح بخش محبت بھرا عمل اور اس پر یقین کرنا سیکھیں کہ اس نے یہ جنگ آپ کے اطمینان کے لئے جیتی۔ جب اس دنیا میں سب کچھ خراب ہوتا نظر آئے تو سچائی پر قائم ہو جائیں کہ ڈر کا آپ ہر کوئی اثر نہیں۔ اس سے اطمینان حاصل کریں اور جرات سے آگے بڑھیں، یہ جانتے ہوئے کہ آپ اس کی محبت سے بھرے ہوئے ہیں۔

Download today's image here.