อาเอเซเคน 18 سے مشہور بائبلی آیات

شئیر

โอว ตู ซี แตห เบ ยัม คอ อู วี. โคว, แตห เบ แวน อี ตู หมึอม, แกวะ แตห เบ ยัม, แตห เบ วี ปึอน กอย ดาคึย.” เฌาพรา อี อึบ โตต ดอน โมยว แฮะ กาลาง ปาย ตี.

ดูอี อี โบง กาลึบ, โบง หมาบ, อัน โลว คัม ดี ยัม. ฆอน ตู โลว คัม หมาบ ฆูณ. ฆูณ มืร ตู โลว คัม หมาบ ฆอน. ดูอี บอด ดูอี หมึอม, อัน ดี ปึอน อาฆยึร ปี โบง อัน นา บอด นา หมึอม. ดูอี ฮาย ดูอี มืก อัน โลว คัม หมาบ ปี โบง อัน อี ฮาย อี มืก ตี.

แตห เบ แวน ปี โบง เบ อี ฮาย อี มืก ดอน โมยว, แตห เฌาพรา วี อึณปราย น็อห พึอม เบ, แตห อึณ แบน อี กามาย. อึย เบ ดูอี อาโมยว อีซาเรลัะ, เหมา อึณ ปาย ปี ซี ยัม เบ ปาย ตี?

เซ โอว ยึร ดูอี ฮาย ดูอี มืก ยัม, เบ ทาง น็อห โอว แฮะ ดาคึย? อาว มูห ปาย ตี. โอว ยี ซี แตห อัน โหลห บอ แวน หมาบ อัน, วี แตห อัน ปึอน กอย ดาคึย, กอย ฆยามซา.’ เฌาพรา อี อึบ โตต ดอน โมยว แฮะ ต็อห ปาย ตี.

มาแล, เซ ดูอี ฮาย ดูอี มืก ยี วี แวน อี ตู หมึอม, วี โบง โดบ ดารา ดอน โมยว, วี โบง นา ซืร นา หมาน, โบง นา บอด นา หมึอม, อัน ตู โลว ยัม, อัน ดี วี ปึอน กอย ดาคึย, กอย ฆยามซา อาคัร หมาน.

วี อี โบง ปาย ตี แฮะ มูห ดูอี อี โทม อี โบง โดบ ดารา โอว. อัน แฮะ มูห ดูอี อี มึห น็อห ซืร น็อห หมาน. อัน ดี บอ ปึอน กอย ซีคยา, ตู ชึม อาซาก อัน.” เฌาพรา อี อึบ โตต ดอน โมยว แฮะ กาลาง ปาย ตี.