ද්විතීය 6 سے مشہور بائبلی آیات

شئیر

ඔබේ දෙවියන්වහන්සේ වන ස්වාමින්වහන්සේට ඔබේ මුළු හෘදයෙන් ද ඔබේ මුළු ජීවයෙන් ද ඔබේ මුළු ශක්තියෙන් ද ප්‍රේම කරන්න.

ඔබේ දරුවන්ගේ සිතට ඒවා කාවද්දන්න. නිවසේ ඔබ හිඳ සිටින විට ද පාරේ ගමන් කරන විට ද ඔබ නිදා ගන්න විට හා ඔබ අවදි වන විට ද ඒවා ගැන කතා කරන්න.

අද දවසේ මා ඔබට දෙන මෙම ආඥා, ඔබේ හදවතේ තබා ගැනීමට ය.

එම්බා ඉශ්‍රායෙල් මේ අසනු: ස්වාමින්වහන්සේ, අපේ දෙවියන්වහන්සේ ය; එක ම ස්වාමින්වහන්සේ ය.

ඒවා ඔබේ අත්වල සංකේත ලෙසින් ද ඔබේ නළලේ නළල් පටියක් ලෙසින් ද බැඳ ගන්න.

ඒවා ඔබ නිවෙස්හි උළුවහුවල ද ඔබේ දොරටුවල ද ලියා තබන්න.

ඔබේ දෙවියන්වහන්සේ වන ස්වාමින්වහන්සේට භය පක්ෂපාත වන්න. උන්වහන්සේට පමණක් සේවය කරන්න. ඔබේ දිවුරුම් උන්වහන්සේගේ නාමයෙන් කරන්න.

ඔබේ දෙවියන්වහන්සේ වන ස්වාමින්වහන්සේ ඔබට දෙන්නට, ඔබේ පියවරුන් වූ ආබ්‍රහම්ට ද ඊසාක්ට ද යාකොබ්ට ද දිවුළ දේශයට ඔබ ගෙන ආ කල, ඔබ ගොඩ නැගුවේ නැති සමෘද්ධිමත් විශාල නගර ද ඔබ ම සපයා ගත්තේ නැති හැම යහ දෙයින් ම පිරුණු නිවෙස් ද ඔබ නො හෑරූ ළිං ද ඔබ ම වගා කළේ නැති මිදි වතු හා ඔලීව ගස් ද යනාදියෙන් යුත් දේශයට ඔබ ගෙන ආ කල, ඔබ සිත් සේ කා, බී සැනැහී සිටියදී, ඊජිප්තු දේශයෙන් පිටතට, වහල්කමේ දේශයෙන් පිටතට ඔබ ගෙන ආ ස්වාමින්වහන්සේ අමතක නො කරන්නට වග බලා ගන්න.

හිමි කර ගන්නට, යොර්දාන් ගඟින් එතෙර ව, ඔබ යන දේශයේදී ඔබ විසින් පිළිපදින පිණිස, ඔබට උගන්වන්නට ඔබේ දෙවියන්වහන්සේ වන ස්වාමින්වහන්සේ මට අණ කළ ආඥා ද නියෝග ද නියමයන් ද මේවා ය. මා ඔබට දෙන, උන්වහන්සේගේ සියලු නියෝග හා ආඥා පිළිපැදිය යුත්තේ, ඔබ ද ඔබගේ දරුවන් ද දරුවන්ගේ දරුවන් ද ඔබේ දෙවියන්වහන්සේ වන ස්වාමින්වහන්සේට ඔබ ජීවත් ව සිටින තෙක් භය පක්ෂපාතී වන පිණිසත්, ඔබ දීර්ඝායු භුක්ති විඳින පිණිසත් ය.

ස්වාමින්වහන්සේ ඉදිරියේ හරි දේත්, හොඳ දේත් කරන්න. එසේ කළ යුත්තේ ඔබට සෙත සැලසෙන පිණිසත්, ඔබේ ආදි පියවරුනට ස්වාමින්වහන්සේ දිවුරා පොරොන්දු වූ සරු සාර දේශයට පිවිස, ඔබට එය අත්කර ගත හැකි වනු පිණිසත් ය.

මන්ද ඔබ මධ්‍යයේ සිටින, ඔබේ දෙවියන්වහන්සේ වන ස්වාමින්වහන්සේ ඊර්ෂ්‍යා සහගත දෙවියන්වහන්සේ වන බැවින්, උන්වහන්සේගේ කෝපය ඔබට එරෙහිව ඇවිළ, පොළෝ තලයෙන් ඔබ විනාශ කර දමනු ඇත.

වෙනත් දෙවිවරුන්, ඔබ අවට සිටින ජනයාගේ දෙවිවරුන් අනුව නො යන්න.

මස්සාහිදී කළාක් මෙන් ඔබේ දෙවියන්වහන්සේ වන ස්වාමින්වහන්සේ පරීක්ෂා නො කරන්න.