ද්විතීය 5 سے مشہور بائبلی آیات

شئیر

ඔබේ දෙවියන්වහන්සේ වන ස්වාමින්වහන්සේ ඔබට නියෝග කර තිබෙන පරිදි, ඔබේ පියාටත්, ඔබේ මවටත් ගෞරව කරන්න. එවිට ඔබේ දෙවියන්වහන්සේ වන ස්වාමින්වහන්සේ ඔබට දෙන දේශයේ ඔබ දීර්ඝායු ලබන්නේ ය. ඔබට සුබ සෙත වන්නේ ය.

ඔබේ දෙවියන්වහන්සේ වන ස්වාමින්වහන්සේ ඔබට අණ කළ මුළු මාර්ගයේ ගමන් කරන්න. එවිට, ඔබ උරුම කර ගන්නා දේශයේදී ඔබට ජීවනයත්, සඵලත්වයත්, දීර්ඝායුත් ලැබෙනු ඇත.

ඔබ, ඒවාට වැඳ වැටීම නො කළ යුතු ය; නමස්කාර නො කළ යුතු ය. මන්ද මම, ඔබේ දෙවියන්වහන්සේ වන ස්වාමින්වහන්සේ ඒ සම්බන්ධයෙන් ඊර්ෂ්‍යා සහගත දෙවියන්වහන්සේ ය. මට වෛර කරනවුනට තුන් වන හා හතර වන පරම්පරාව දක්වා පියවරුන්ගේ පාපයට දරුවන්ට දඬුවම් කරන්නා වූ, එහෙත් මට ප්‍රේම කරන, මගේ ආඥා පිළිපදින අයගේ දහස් ගණන් දක්වා නොමියෙන ප්‍රේමය පාන්නා වූ තැනැත්තාණෝ ය.

ඔබ, ඉහළ අහසේ හෝ පහළ පොළොවේ හෝ පොළොවෙන් යට ජලයේ හෝ ඇති කිසිවක රූපාකාරයෙන් පිළිම රූපයක්, ඔබට හදා ගැනීම නො කළ යුතු ය.

“මා ඉදිරියෙහි අන් දෙවිවරුන් ඔබට නො සිටිය යුතු ය.

ඔබ, ඔබේ දෙවියන්වහන්සේ වන ස්වාමින්වහන්සේගේ නාමය, නිරර්ථක ව භාවිත නො කළ යුතු ය. මන්ද ස්වකීය නාමය නිරර්ථක ව භාවිත කරන්නන්ට ස්වාමින්වහන්සේ දඬුවම් නො කර සිටින්නේ නැත.

ඔවුන්ටත්, ඔවුන්ගේ දරුවන්ටත් සදහට සෙත සැලසෙන පිණිස, නිරතුරු ව ඔවුන්ගේ හදවත් මට භය පක්ෂපාතී ව, මගේ සියලු ආඥා පිළිපැදීමට ද නැඹුරු වූවොත් යෙහෙක!

ඔබගේ දෙවියන්වහන්සේ වන ස්වාමින්වහන්සේ ඔබට අණ කළ පරිදි, සබත් දවස ශුද්ධ ලෙස වෙන් කොට තබන්න.

ඔබ, ඔබේ අසල්වැසියාගේ බිරිඳට තෘෂ්ණා නො කළ යුතු ය. ඔබේ අසල්වැසියාගේ නිවසට හෝ ඉඩමටවත්, ඔහුගේ සේවකයාට හෝ සේවිකාවට හෝ ඔහුගේ ගවයාට, බූරුවාට හෝ ඔබේ අසල්වැසියාට අයත් අන් කවරකට හෝ ඔබ ආශා නො කළ යුතු ය.”

ඔබ, පරදාර සේවනය නො කළ යුතු ය.

ඔබ, ඔබේ අසල්වැසියාට එරෙහිව බොරු සාක්ෂි නො දිය යුතු ය.

ඔබ, මිනී මැරීම නො කළ යුතු ය.

ඔබ සොරකම් නො කළ යුතු ය.

ඔබ ඊජිප්තුවේ වහලුන් ව සිටි බවත්, බලවත් හස්තයකින් හා දිගු කළ බාහුවකින් යුතු ව, ඔබේ දෙවියන්වහන්සේ වන ස්වාමින්වහන්සේ ඉන් පිටතට ඔබ ගෙන ආ බවත් මතක තබා ගන්න. එබැවින් සබත් දවස පවත්වන ලෙස ඔබේ දෙවියන්වහන්සේ වන ස්වාමින්වහන්සේ ඔබට අණ කර ඇත.

හය දවසක් ඔබ වෙහෙස ව ඔබේ සියලු වැඩ කර ගන්න. එහෙත් හත් වන දවස ඔබේ දෙවියන්වහන්සේ වන ස්වාමින්වහන්සේට සබතක් ය. එදින ඔබ කිසි වැඩක් නො කළ යුතු ය; ඔබ හෝ ඔබගේ පුතා හෝ දුව හෝ ඔබගේ සේවකයා හෝ සේවිකාව හෝ ඔබගේ ගවයා හෝ ඔබගේ බූරුවා හෝ ඔබගේ සෙසු සතුන් හෝ ඔබේ පුරවර දොරටු තුළ වෙසෙන විදෙස්සා හෝ එදින කිසි වැඩක් නො කළ යුතු ය. ඒ, ඔබ විවේක ගන්නා පරිදි ඔබේ සේවකයා හා සේවිකාව ද විවේක ගන්නා පිණිස ය.

“ඔබේ දෙවියන්වහන්සේ වන ස්වාමින්වහන්සේ මම ය. වහල්කමේ නිවාසයෙන් පිටතට, ඊජිප්තු දේශයෙන් පිටතට ඔබ ගෙන ආ තැනැත්තාණෝ මම ය.