Популярні біблійні вірші з Mothi 24

Поділитись

Âdmikoaʹ odhormonaʹ kâmiko aima baṛhoʹhaʹ mente aima âdmiaʹ dulâr aima komgentakohaʹ. Kheʹ eke mucitʹ dhâbiʹ Issorre pâtyu tahene, Issorte âni bacoiheʹ.

Sanam jâtṭheʹ sâkkhi ma laʹte âdmiko goṭa dhârtire sorgo rajjorna manja khobornaʹ bisoite procarkohaʹ ar inâ tayomgi mucitʹ somai hijuʹhaʹ.

Apeyaʹ luturre lâṛhâinaʹ saṛe hijuʹhaʹ ar sâhing disâmnaʹ lâṛhâinaʹ khobor ape aten nampehaʹ. Nalaʹte alo botoroʹape nakodo obossoi hoʹgihâʹ, kheʹ inreho bang caboʹa.

Jât biruddhe jât ar rajjonaʹ biruddhe rajjo rakaboʹhaʹ. Aima jagare bhumikompo ar akal hoʹhaʹ. Kheʹ kebol nakodo sanam kosṭonaʹ ehobkana.

Sorgo ar dhârti cabagenhaʹ kheʹ Ingâʹ katha tisho bang caboʹa.

cekelaʹbang aima âdmigi Ingâʹ nutumte hijuʹkohaʹ ar menkohaʹ, 'Inggiying Khrisṭo,' ar aima âdmigi ṭhakokokohaʹ.

"Ana somai âdmikote ape kosṭo mape laʹte sabsopekohaʹ ar ape goiʹpekohaʹ. Inglaʹte sanam âdmite ape ghrinâpekohaʹ. Ana somai aima âdmitigi oho pâtyungako ar miʹhorte ar miʹhor sabsopekohaʹ ar ghrinâpekohaʹ. Aima bhonḍo nâbi hijuʹkohaʹ ar aima âdmi ṭhakokokohaʹ.

Tâkhni Jisu menkede, "Sabdhan tahanpe, eketigi jate ape bang ṭhakopeyako

Anate apeho sapro tahenpe, karon aka hiluʹ ape gunânoʹpehaʹ je Ânido oho hijuʹe, inâ hiluʹgi Âdmi Hopondo hijuʹheʹ.

"Sotorko tahenpe, cekelaʹbang aperen probhu tis hijuʹheʹ anado apedo bang baṛeyape.

"Kheʹ ana dinnaʹ se ana somainaʹ katha ekeho bang baṛeyako. Sorgodutkoho bang baṛeyako, Hoponho bang baṛeye, kebol Babagi baṛeye.

Karon bhonḍo khrisṭoko ar bhonḍo nâbiko rakaboʹkohaʹ ar marang marang asarjo kâmi ar cinhâ udukkohaʹ. Judi sombhob hoʹa tahale Issorren bacho âdmikoho bhulukokohaʹ.

"Nohoaʹ somaire alka holena, Âdmi Hoponaʹ hijuʹ somaiho engkagi hoʹhaʹ. Bannaʹ lahanaʹ dinkore Noho jahajre bang bolon dhâbiʹ âdmiko jom nui sanako, baploʹ sanako ar bapla maʹtakosanako. Tin dhâbiʹ bang ban hiʹketeʹ sanamkhoiʹ bhaso idikeʹkoe, in dhâbiʹ angko itâʹgi bang baṛe dareledako itâʹ ghoṭoʹkana. "Âdmi hoponaʹ hiʹho engkagi hoʹhaʹ.