Популярні біблійні вірші з 1 Peter 4

Поділитись

အရာအားလုံးတို့ထက် အချင်းချင်း မေတ္တာထားရမည်။ အဘယ်ကြောင့်ဆိုသော် မေတ္တာသည် အပြစ်အမျိုးမျိုးကို ဖုံးအုပ်စေနိုင်သောကြောင့်ဖြစ်သည်။

သင်တို့တစ်ဦးချင်းစီတွင် ဘုရားရှင်ထံမှ ချီးမြှင့်ပေးသော ဆုကျေးဇူးတစ်မျိုးစီ ရရှိထားသူဖြစ်သဖြင့် ထိုဆုကျေးဇူးကို အသုံးပြု၍ အချင်းချင်း ကူညီဆောင်ရွက်ကြလော့။

ဟောပြောသောသူတို့သည် ဘုရားရှင်၏နှုတ်ကပတ်တော်အတိုင်း ဟောပြောရမည်။ ဘုရားရှင်၏အစေခံနိုင်သူဖြစ်လျှင် ဘုရားရှင်ပေးထားသော အစွမ်းသတ္တိအတိုင်း လုပ်ဆောင်ပါ။ ဘုရားရှင်၏ ဘုန်းအသရေ ထင်ရှားစေသောအမှုမှန်သမျှကို စွမ်းစွမ်းတမံ ဆောင်ရွက်ကြပါ။ ယေရှုခရစ်တော်၏ ဘုန်းတန်ခိုးတော်သည် အမြဲထာဝရ ထွန်းတောက်ပါစေသတည်း။ အာမင်။

သို့သော်လည်း ခရစ်ယာန်ဖြစ်၍ ဆင်းရဲဒုက္ခခံစားရပါက ရှက်ကြောက်စရာမလိုဘဲ ခရစ်ယာန်ဖြစ်ခြင်းအတွက် ဘုရားရှင်၏ ဘုန်းတော်အပေါင်းတို့ကို ချီးမွမ်းပါ။

အရာအားလုံးအတွက် နောက်ဆုံးသောအချိန်သည် နီးကပ်လာပြီဖြစ်သည်။ ထို့ကြောင့်သင်တို့ ကောင်းစွာဆုတောင်းနိုင်ရန်အတွက် မိမိတို့စိတ်နှလုံးသားကို ချုပ်တည်းလျက် သတိရှိကြလော့။

ချစ်မိတ်ဆွေတို့၊ သင်တို့အား စမ်းသပ်ရန်အတွက် ယခု သင်တို့ထံကျရောက်လာသည့် ဆင်းရဲဒုက္ခမီးကို ထူးဆန်းသောအရာ ဖြစ်ပျက်လာသကဲ့သို့ ထင်မှတ်ကာ မအံ့ဩကြနှင့်။ ထိုသို့အံ့ဩနေမည့်အစား သင်တို့သည် ခရစ်တော်ခံစားခဲ့ရသော ဆင်းရဲဒုက္ခကို မျှဝေခံစားကြရသည့်အတွက် ဝမ်းမြောက်ပျော်ရွှင်ကြပါ။ ခရစ်တော်၏ တန်ခိုးတော် ပေါ်လွင်ထင်ရှားစေသည့်အတွက် လည်း ဝမ်းမြောက်ဝမ်းသာစွာဖြင့် ပျော်ရွှင်ကြပါ။

သင်တို့သည် မညှဉ်းမညူဘဲ အချင်းချင်း ဧည့်ဝတ်ကျေပွန်ကြပါ။

ထို့ကြောင့် ဘုရားရှင်၏အလိုတော်အရ ဒုက္ခဆင်းရဲခံရသူတို့သည် သစ္စာရှင်ဖြစ်တော်မူသော ဖန်ဆင်းရှင်ဘုရားထံ၌ မိမိတို့၏စိတ်ဝိညာဥ်ကိုအပ်နှံ၍ ကောင်းမှုကို ဆက်လက်၍ပြုသင့်သည်။

ထို့ကြောင့် ခရစ်တော်သည် ကိုယ်ခန္တာ၏ ဆင်းရဲဒုက္ခကို ခံစားခဲ့ရသောကြောင့် သင်တို့သည်လည်း တူညီသော ခံယူချက်မျိုးကို ကိုင်ဆောင်ထားရန်လိုအပ်သည်။ အဘယ်ကြောင့်ဆိုသော် ကိုယ်ခန္တာ၏ ဆင်းရဲဒုက္ခကို ခံစားရသောသူတို့သည် အပြစ်မကျူးလွန်ရန် ဆုံးဖြတ်ထားသောကြောင့်ဖြစ်သည်။ ဤသည်ကား လောက၌ အသက်ရှင်နေထိုင်ရမည့် ကျန်ရှိသောအချိန်များအတွက် လူသားများ၏အလိုဆန္ဒအတွက် အသက်မရှင်တော့ဘဲ ဘုရားရှင်၏အလိုတော်အတိုင်းသာ အသက်ရှင်နိုင်ရန်ဖြစ်သည်။

သင်တို့သည် ခရစ်တော်၏နာမတော်ကြောင့် ကဲ့ရဲ့ပြစ်တင်ခြင်းခံရလျှင် မင်္ဂလာရှိကြသည်။ အဘယ်ကြောင့်ဆိုသော် ဘုန်းအသရေနှင့်ပြည့်စုံသော ဘုရားရှင်၏ဝိညာဥ်တော်သည် သင်တို့၌ ကိန်းဝပ်တော်မူသောကြောင့်ပင်ဖြစ်သည်။