Популярні біблійні вірші з Matiw 24

Поділитись

Lhiwaa dw'uu khi dhakk'wubis, bhi wall khi gurum dhess p'ee zhughum. Weett kihhsheh bhi gwooh g'ung dharr bhall-bhall harr kyess ni, bhi nyi p'ee kad bh'am.

Mwopp p'ee yak Pwoo'wurett mhi dhenglong mhizeh koohneeh dhighin yill ni, tihh dhen diy a ten'yim p'ee Seghen'gurum mwopp weett, dhangg kyess khi yill ni ji dhak.

Wunn p'ee klihng v'ur l'ek kihh mwan yakhal kihh v'ur pwookaah l'ek zag. Mihh wu klihng kihhsheh bhi tapp nhikhin'teghem diy shwat wunn mou. P'ee nyi a ching tihh bii mihhse ni mwopp sh'in dhangg kyess khi yill ni kihh ji.

Seghen'gurum p'ee kihh yakhal l'ek kaah Seghen'gurum, yakhal dhenglong p'ee kihh yakhal l'ek kaah dhenglong. Tekhell kihh v'ur tihbhal'yill p'ee mwan kwed dhighin yill ni shi'pee-shi'pee. Kapp bii mihhse mwopp kudyi a sh'ee khi v'ur zheell w'u kudyi kihh ja kihkyeen.

Phikihtihngg kihh yill p'ee ji dhel, dhangg baah pwoo keena p'ee cham taah yill mou.

P'ee gurum dhess p'ee ja dhighin shumm nah, kooh meehrangg kihh satt le, wai a riy a Kristi, mwopp p'ee d'ihk gurum dhess.

“Gurum mwopp p'ee yak wunn pihh tihh mwopp le'zheell diy wunn, harr mwopp twa wunn. Gurum w'u yill ni weett p'ee shiih kihh wunn lhiwaa a'n. Sh'i pee mhizeh ni, bhi gurum dhess p'ee pal dhighin pihhzeenn keeru, harr mwopp seett kihh shag, mwopp kihh shiih shag hett. Yakhal v'ur mhi-wanggshiiy dwungg mwopp p'ee yakhal harr mwopp l'e tihh gurum dhess mwopp pyallap.

Bhi Jesu lapp mwopp satt le, “Wu kihh kangg, tappseh menguh diy d'ihk wunn mou.

Pee'mhinyi bhi wu'wunn zag wu tong sh'i dhakkshuk, p'ee L'aa khi Gurum p'ee b'aa ji a puus w'u baah wu le'pan b'aa ji khinyi mou.

Pee'mhinyi bhi wu tong sh'i gonggpee, p'ee baah wu man puus w'u a'n Gwoohyon keewu p'ee ji diy mou.

“Baah gwooh man puus kooh gonggpee mhi b'aa ji keena ni mou; kooh a mhi'lop w'u kih dhengNaan, h'aa kooh a wu'an L'aa ni maah mou; a Daa kyekk man.

P'ee v'ur kristi-dwungg kihh mhi-wanggshiiy dwungg mwopp p'ee mwan yakhal dhess, harr mwopp kihh sh'in n'an bii'aapwoo kihh bii'kattshiiy w'u nan-nan tihh mwopp plip diy kihh gurum, harr kihh mwooh bih-blihp zag, kaddyinn kihhsheh kihh mak sh'in.

Chiitt kaa gyet mwopp sh'in sh'i gangg mhi Nuhu seh, bhi nyi p'ee kwed a kihhsheh zag sh'i ji khi L'aa khi Gurum. P'ee gyet dhighin shiiy'teer w'u dhangg chlim'am ni kihh ji, bhi gurum mwopp kaah so-kihh-shwaa, yakhal mwopp kaah lapp shwarab, kihh shenn zhi'raapp ruh mwopp dyik, harr p'ar puus w'u Nuhu dhel diy dhighin kong'am. Baah mwopp man bii w'u p'ee taah kaah ruh mou, harr a'm ni ji kwaarr mwopp kwellelleh. Nyi p'ee kwed a kihhsheh zag sh'i ji khi L'aa khi Gurum.