Популярні біблійні вірші з MAHTE 24

Поділитись

N hkru n kaja ai lam shing rai chyam bra wa nna, masha law law a tsaw ra myit kawp mat na ra ai. Rai ti mung jahtum du hkra shakut sharang ai wa gaw hkye hkrang la ai hkrum na ra ai.

Dai mungdan a Kabu Gara Shiga a lam hpe, masha amyu baw shagu a matu mara sakse tai u ga, mungkan ting hta e hkaw dan lu na rai nga ai; dai hpang e jahtum nhtoi gaw du na ra ai.

Nanhte gaw ni ai, tsan ai shara hkan na majan gasat ai shiga nsen ni na lu na marin dai; rai ti mung myit hkum ru myit. Shing re ai lam ni gaw byin lu na ra ai, rai ti mung, dai ni gaw jahtum nhtoi du sai ngu ai lachyum garai n rai nga ai.

Masha amyu mi hte amyu mi, mung mi hte mung mi, shada da majan byin na mara ai. Ndai yawng mayawng chyawm gaw, shawng na ma shangai machyi ai hte bung nga ai.

Sumsing lamu hte ginding aga lai mat wa ti mung, nye a ga gaw n lai mat na li ai.

Masha law law wa nye a mying hte paw pru nna, ‘Ngai gaw Meshia rai nngai,’ nga nna law law hpe lam shadam na maru ai.

“Dai hpang masha ni gaw, nanhte hpe rim la nna ari jaw na hte sat kau na matu ahkang aya lu ai ni a lata de ap kau na marin dai. Nye a mying a majaw, masha amyu baw shagu nanhte hpe n dawng n wawm na mara ai. Dai shaloi e, masha law law wa myit kataw nna lam dam wa ai hte shada da ap kau ai hte shada da n dawng n wawm na mara ai. Masu ai myihtoi law law mung paw pru nna, masha law law hpe lam shadam na mu ai.

Yesu gaw, “Kadai mung nanhte hpe n hkalem lu myit ga, sadi nga mu.

Dai rai nna nanhte galoi mung jin jin rai nga mu: hpa majaw nga yang, nanhte n myit mada ai ahkying hta e dai Masha Kasha du sa na ra ai.

“Dai rai nna, nanhte a Madu gaw gara shani e du sa na hpe nanhte n chye myit dai majaw, amaja nga mu.

“Rai ti mung, dai du na ra ai shani hte ahkying hpe chyawm gaw kadai mung n chye lu ai; lamu kasa ni hte Kasha wa pyi dai hpe n chye lu ai; Wa hkrai sha dai hpe chye lu ai.

Hpa majaw nga yang, masu ai Meshia hte masu ai myihtoi ni paw pru na mara ai; shanhte gaw byin mai ai rai yang, Karai Kasang e lata la tawn sai masha ni hpe pyi lam shadam kau lu hkra lamik kumla kaba hte mauhpa amu ni galaw dan na mara ai.

Dai Masha Kasha a bai sa du ai gaw Noa lakhtak hta byin ai lam hte bung na ra ai. Sha-u garai n ing ai nhtoi ni hta masha ni gaw Noa hte nta masha ni sanghpaw li de shang wa ai nhtoi du hkra, lu lu sha sha, num la num ya, rai nga ma ai. Shanhte gaw sha-u ing wa nna yawng hte hpe magawn mat wa ai ten du hkra n dum shami rai nga nga ma ai. Dai hte maren dai Masha Kasha a bai du sa ai ten hta byin na ra ai.