Популярні біблійні вірші з NINGPAWT NINGHPANG 22

Поділитись

Abraham mung dai shara hpe, “Dai MADU karum ai,” ngu nna shamying wu ai. Dai ni na amyu masha ni pyi,” Dai MADU a bum ntsa e, shi karum la ai,” ngu nna tsun ma ai.

Karai Kasang gaw, “Nang grai tsaw ra ai na a shadang sha shingtai Isak hpe woi nna Moria ga de sa wa su. Ngai nang hpe madun na de ai bum ntsa e, shi hpe shagu hkungga shatai nna ngai hpe nawng jau e,” ngu nna tsun wu ai.

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

Abraham chyawm gaw, “Karai Kasang shi nan lama ma lajang ya na ra ai,” ngu nna htan wu ai. Dai hpang shan lahkawng rau sha bai matut lung mat wa ma ai.

Na a amyu matu ni hpe mung lamu na shagan ni shing n rai panglai zaibru ni zawn ngai nang hpe jaw na nngai. Na amyu matu ni mung shanhte a gumlau hpyen ni hpe dang kau lu na mara ai. Nye a hkang da ai ga hpe nang madat mara nga ndai majaw na a amyu matu ni yawng hpe ngai shaman ya ni ai zawn amyu baw ni yawng mung shanhte hpe shaman ya na matu, ngai hpe san wa na mara ai.

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

Rai ti mung, dai MADU a lamu kasa gaw sumsing lamu kaw nna shi hpe, “Abraham, Abraham,” ngu nna shaga wu ai. Shi mahtang, “Rai sa, ngai nang e nga nga nngai,” ngu nna htan wu ai.

Dai MADU a lamu kasa gaw sumsing lamu kaw nna Abraham hpe lahkawng lang ngu na bai shaga nhtawm, “Ngai gaw nye a mying nsang hta dagam ai hte dai MADU tsun nga ai gaw, ndai amu hpe nang galaw ai hte na a shadang sha shingtai ngai hpe jaw na, nang n kanung nga nit dai majaw ngai nang hpe hkum tsup hkra shaman ya na nngai.

Karai Kasang shi hpe tsun ai shara de shan du lung wa ai shaloi Abraham gaw tawn hkungri galaw nhtawm, de a ntsa e hpun mara garai da wu ai. Dai hpang shi a kasha hpe gyit nna tawn hkungri na hpun ntsa e shi hpe mara tawn wu ai.