Популярні біблійні вірші з यूहन्‍ना 10

Поділитись

चोर खाली चोरी करबा, खून करबा, अर उजाड़बा आव्अ छ। पण म ई बजेसुं आयो छु क थान्अ पूरी-पूरी जन्दगी मल जाव्अ।”

“चोखो गुवाळ म छु! चोखो गुवाळ लळ्डया क ताणी मरबा बेई बी त्यार रेव्अ छ।

म्हारी लळ्डया म्हारी बोली पेचाण्अ छ, अर म बान्अ जाणू छु, वे म्हारअ पाछ्अ-पाछ्अ चाल्अ छ।

म बान्अ सदामेस की जन्दगी देऊ छु। वे कद्‍या बी कोन मरली। अर कोई बी बान्अ म्हारा हाथा सुं कोन कोस पाव्अलो।

बाण्णो म छु। अर ज्यो कोई म्हारसुं होर उळ्अलो, तो उन्अ बचायो जाव्अलो। अर वो बारअ मायन्अ आ-जा सक्अलो। अर बीन्अ चरागो मल्अलो।

“चोखो गुवाळ म छु। म्हारी लळ्डया न्अ म जाणू छु अर म्हारी लळ्डया बी मन्अ जाण्अ छ

बान्अ मन्अ सुंपबाळो म्हारो बाप सबळा सुं बड़ो छ। म्हारा बाप का हाथा सुं बान्अ कोई कोन कोस सक्अ। म्हारो बाप अर म एक छु।”

जस्यान परमेसर बाप मन्अ जाण्अ छ, अर म परमेसर बाप न्अ जाणू छु। अर म म्हारी लळ्डया बेई मरबा बेई बी त्यार रेऊ छु।

ईन्अ म्हारसुं कोई लेव्अ कोन्अ। पण म खुदई म्हारी मनसा सुं ईन्अ देऊ छु। मन्अ ईन्अ देबा को अधिकार छ, वस्यान ई ईन्अ पाछी लेबाको बी अधिकार छ। या आज्ञा मन्अ म्हारा बाप सुं मली छ।”

ई बजेसुं ईसु बान्अ फेरू खियो, “म थान्अ सांची खेऊ छु, क लळ्डया क ताणी बाण्णो म छु।

पण मजुरी प रांखेड़ा गुवाळ, लळ्डया को सांचो गुवाळ कोन्अ होव्अ अर लळ्डया बीकी खुदकी कोन्अ होव्अ। ई बजेसुं वो न्याळी न्अ आतो देखर लळ्डया न्अ छोड़र भाग जाव्अ छ। अर न्याळी वाप्अ हमलो करर बान्अ कण-कण की कर देव्अ छ।

ईसु फेर आग्अ खियो, “म थान्अ सांची खेऊ छु ज्यो लळ्डया का बाड़ा का बांण्णा मं होर कोन्अ उळ्अ पण बाड़ कूदर उळ्अ छ, वो चोर अर लूटपाट करबाळो छ।