Популярні біблійні вірші з KĨAMBĨRĨRIA 22

Поділитись

Nake Iburahimu agĩtua handũ hau Jehova-jire, o ta ũrĩa gũtũire kwĩragwo o na ũmũthĩ, atĩ Kĩrĩma-inĩ kĩa Jehova nĩkuo kĩrĩa kĩbatarainie gĩkoneka.

Agĩkĩmwĩra atĩrĩ, Rĩu ũkĩra woe mũrũguo o ũcio wa mũmwe, ũcio wendete mũno, o we Isaaka, ũthiĩ bũrũri wa Moria, ũkamũrutĩre kuo kĩrĩma-inĩ kĩmwe kĩa iria ii kuo, o kĩrĩa ngakwĩra, atuĩke ihaki rĩa njino.

Agĩkĩmwĩra atĩrĩ, Menya ũhutie kĩhĩĩ kĩu na guoko gwaku, o na kana ũgĩĩke ũndũ o na ũrĩkũ, nĩ gũkorũo rĩu nĩndamenya atĩ nĩwĩtigĩrĩte Ngai, kuona atĩ ndũnangiria mũrũguo, o mũrũguo ũcio wa mũmwe.

Nake Iburahimu akiuga atĩrĩ, Mũrũ wakwa, Ngai nĩekwĩonera ndũrũme ya ihaki rĩa njino. Nao erĩ magĩgĩthiĩ.

kũrathima no mũhaka ngũrathime, o na gũthegeiya no mũhaka ngũthegeerie mbeũ, ĩingĩhe o ta njata cia igũrũ, o na ta mũthanga ũrĩa ũrĩ hũgũrũrũ-inĩ cia iria rĩrĩa inene; nayo mbeũ yaku nĩĩkerigagĩria na kĩhingo gĩa thũ ciayo. Na ningĩ ndũrĩrĩ ciothe cia thĩ ikarathimwo nĩ ũndũ wa mbeũ ĩo yaku; nĩ tondũ-rĩ, nĩwĩtĩkĩrĩte kũigua mũgambo wakwa.

Thutha wa maũndũ macio gũgĩkinya atĩrĩ, atĩ Ngai akĩgeria Iburahimu, akĩmwĩra atĩrĩ, Iburahimu-ĩ; nake agĩĩtĩka akiuga, Niĩ ũyũ.

Na rĩrĩ, mũraika wa Jehova arĩ o igũrũ akĩmwĩta akiuga atĩrĩ, Iburahimu, Iburahimu. Nake Iburahimu agĩĩtĩka akiuga, Niĩ ũyũ.

Nake mũraika ũcio wa Jehova arĩ o igũrũ agĩcoka agĩĩta Iburahimu ihinda rĩa kerĩ, akiuga ũũ: Jehova ekuuga atĩrĩ, Nĩndĩĩhĩtĩte ngegweta niĩ mwene, ngoiga atĩrĩ, atĩ tondũ nĩweka ũguo, waaga kũngiria mũrũguo, o mũrũguo ũcio wa mũmwe-rĩ

Magĩkinya o handũ harĩa erĩtwo nĩ Ngai; nake Iburahimu agĩaka kĩgongona ho, agĩcoka akĩara ngũ o wega, ningĩ akĩoha mũriũ Isaaka, akĩmũkomia kĩgongona-inĩ kĩu, igũrũ rĩa ngũ icio.