Популярні біблійні вірші з လံာ်တၢ်ကူၣ်သ့အတၢ်ကတိၤ 26

နမ့ၢ်စံးဆၢပှၤဟးဂီၤဖိအတၢ်သံကွၢ်တဂိာ်တသီၣ်ဘၣ်တထံၣ်န့ၣ် ဒီး, နကစၢ်ဒၣ်နဲနမ့ၢ်ပှၤတဂိာ်တသီၣ်ဒ်ပှၤလၢအသံကွၢ်တၢ် တဂၤအသိးန့ၣ်လီၤ. ဟ့ၣ်တၢ်စံးဆၢတဂိာ်တသီၣ်တမံၤဆူတၢ်သံကွၢ်တဂိာ်တသီၣ် တထံၣ်န့ၣ်တက့ၢ်. အန့ၣ်ဒီးပှၤလၢအသံကွၢ်တၢ်တဂၤန့ၣ်, ကသ့ၣ်ညါလီၤအသးလၢအဝဲတမ့ၢ်ပှၤအသ့ထဲသိးဒီးအဆိ ကမိၣ်လီၤအသးဘၣ်န့ၣ်လီၤ.

ပှၤအမၢးတဂၤလၢအမၤကဒီးတၢ်ဟးဂီၤအတၢ်မၤခံစုတစုတစုန့ၣ်, လီၤဂာ်ဒ်ထွံၣ်တဒုက့ၤကဒါက့ၤဆူအတၢ်ဘှိးအသိးန့ၣ်လီၤ.

သ့ၣ်မုၣ်တအိၣ်ဘၣ်ဒီးမ့ၣ်အူလီၤပံာ်ဝဲလီၤ. တၢ်ကတိၤသီၣ်ဝံသဲကလၤတအိၣ်ဘၣ်န့ၣ်, တၢ်အ့ၣ်လိာ်ဆိးက့လိာ်ဆိကတီၢ်အသးလီၤ.

ပှၤလၢအပာ်လီၤထုတဖၣ်လၢပှၤဂၤအဂီၢ်န့ၣ်, အကစၢ်ဒၣ်ဝဲကဘၣ်က့ၤထုလီၤ. ပှၤလၢအဒုးအိၣ်ထီၣ်ဟီၣ်ခိၣ်အတၢ်လီၤလာ်န့ၣ်, အကစၢ်ဒၣ်ဝဲတၢ်ကလီၤလာ်ဒိးသံအီၤန့ၣ်လီၤ.

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

တၢ်မၤဃါဃုာ်ပသးလၢတၢ်ဂ့ၢ်လိာ်ဘှီလိာ်တမံၤလၢအတဘၣ်ဃးဒီး ပှၤအပူၤန့ၣ်လီၤဂာ်ဒ်တၢ်လဲၤလီၤဆူကျဲပူၤဒီးစှီၤထွံၣ်တဒုဖဲအနၢ် အသိးန့ၣ်လီၤ.