Популярні біблійні вірші з Mataayi 24

Поділитись

Avaanhu vinga viliiva vahosi. Mʉ ʉluo avaanhu vinga vilivʉhɨɨla kʉkʉvaghana avange. Neke jʉno ikuguda kuhanga kufika kʉvʉsililo, ʉjuo ghwe alakuluka.

ƗMhola ɨNofu ɨja Vʉtwa vwa Ngʉlʉve jilipʉlɨsɨvua mʉ ɨɨsi sooni, kuuti vʉʉve vwolesi kʉ vaanhu vooni, pepano ʉvʉsililo vwa ɨɨsi vukwisa.

Mʉlaava mupʉlɨka ʉvʉlʉgʉ ni mhʉli isa vʉlʉgʉ, mʉlekaghe pikwoghopa. Ndalʉve ndaani isio silivoneka taasi, neke ʉnsiki ʉghwene ʉghwa vʉsililo ghuuva ghʉkyale.”

Ifighono ifio ɨɨsi jɨlalwisagha nɨ ɨɨsi ɨjɨngɨ, kange ʉvʉtwa kulua nʉ vʉtwa ʉvʉnge. Imbale ni mbale kwejiliiva ɨnjala ni fisenyeena. Isio sooni vuuva vʉtengʉlɨlo, ndavʉle ʉvʉvafi ʉvwa mʉkɨjʉʉva, pano ʉnsiki ʉghwa kʉpaapa ʉmwana ghʉfikile.

Ʉvʉlanga nɨ ɨɨsi filakila, looli amasio ghango naghalakila nambe padebe.

Ʉlwakʉva vinga vilikwisa mʉ lɨtavua lyango, nʉjʉnge itisagha, ‘Neene Kɨlɨsite.’ Avaanhu avuo vilikʉvasyanga vinga.

“Ʉnsiki ʉghuo, mulikolua na kupumusivua na kubudua. Avaanhu imbale sooni vilikʉvakalalɨlagha, ʉlwakʉva mʉkʉmbɨngɨlɨla ʉne. Pepano avaanhu vinga vilivʉhɨɨla kʉkʉmbɨngɨlɨla ʉne. Vilikwohelanagha kʉ valʉgʉ na kukalalɨlanɨla. Kange, avavɨli vinga ava vʉdesi vilihʉmɨla na kʉkʉvasofia avaanhu vinga.

ɄYesu akavamʉla akati, “Mʉvisaghe maaso, ʉmuunhu naangavasyangaghe!

Lɨno, na jʉmue mʉvisaghe mulɨngʼhanisie, ʉlwakʉva ne Mwana ghwa Muunhu nilikwisa ʉnsiki ghʉno namuhʉvɨɨla.”

“Lɨno, mʉvisaghe maaso, ʉlwakʉva namʉkagwile ɨkɨghono kɨno ʉMʉtwa ghwinu ikwisa.

“Neke ɨkɨghono nʉ nsiki ʉghwa kwisa ʉne ne Mwana ghwa Muunhu, nakwale jʉno akagwile nambe avanyamhola kʉkyanya, nambe jʉʉne ne Mwana, looli jʉ Nhaata mwene.

Ʉlwakʉva valiisa avaanhu vano vikutambʉlagha nʉjʉnge iiti ghwe ‘Kɨlɨsite,’ avange viliiva vavɨli va vʉdesi. Avuo vihʉfyagha ifivalɨlo ifivaha ni fidegho kuuti vavasofie avaanhu, nambe avasalʉlua va Ngʉlʉve.

Ʉlwakʉva niliiva nikwisa ne Mwana ghwa Muunhu luliiva ndavʉle lʉlyale ifighono ifya Nwaka. Ifighono ifio ye lʉkyale kukwisa ʉlʉtalamu ʉlwa ghalika, avaanhu valyale vilia na kunyua, vitoola na kutolua kuhanga ɨkɨghono kɨla pano ʉNwaka ikwingila mʉ safina. Avaanhu avuo navalyakagwile kɨmonga kuhanga pano ɨghalika jikwisa, vakafua vooni. Enendɨɨkɨ fye lʉlaava niliiva nikwisa ne Mwana ghwa Muunhu.