Популярні біблійні вірші з Matthieu 24

Поділитись

Bʉr ɨ́ buo buo, bé óbîr ó, kpɛ̌l, yé á didi páʼ nyɔ́ɔ́ yɨ́, yé tálaa. Bé ósâ nó ebě, bé óbeě mpʉ ébébe mû lɨ́ emamle yɨ́. Sâ gwár, mʉr ngá dûhwo, tó pyâl ɨ́ mesíé nyá, ótiʼe.

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Bɨ̌n bé ójóʼo bʉ̂r lɨ́ elwilwib mílɔ̌b mi mɔ̂m le elɛ́ɛ mílɔ́ɔ́ mí dɔ̂m. Bisɨ́ǎ byaá atɨ̂l bɨ́n mekʉ̌ sí, ebě, yé jala ó, byé nyɛ́ɛ pyâl. Damá jóʼo nó, ntʉ bísɨ́ǎ byaá ngá lɛ̂ʼle ésúʼlá é sí yɨ̂.

Yɨ̂ʼ kûl, yé ólwímla e yʉ́ʉ́. Nyɨ̂ʼ mpóʼo lwímla e nyʉ́ʉ́. Nza, nye ónyaŋla bígúmo bigúmo, le sí, yé ókubla. Bisâ byaá bíbyɛ̂h, byé ónyɛɛ́ syɛ́ɛ. Náǎ yé óbe ó enyɛ̌l e mékpaa, nwɨɨla e mekpaa me mín.

Kʉ́ e sí, byé ólaa. Milɔ̌b myâm míɛ, myé ákóʼó síe.

Ebě, bʉr ɨ́ buo buo, bé ónzɨnze e díé lâm, lɨ́ elɨlɛ́ɛ ó: “Mɛm ó dí Mʉ̌r Nzyɛ̌m á lœm múló mé jwɨ́ɨ nyá!” Bé ódímle bʉ̂r ɨ́ buo buo.

«Jɔʼ yaá ó bɨ́n ngá tyenɔɔ kwá bʉr o ngá buú lɛ̂ʼle bɨ́n túú bá. Bé ójʉ̂ bɨ́n. Bʉr o bíkúl bíbyɛ̂h, bé óbene bɨ́n ebe bɨ́n dí egúmo e me. Nó ó bʉ̂r ɨ́ buo buo, bé óbɨm ébɔ̌ʼ, sâ ébébe yɨ́. Bʉr, bé óbɛ́ma bʉ̂r ó sɔ́má yɔ́ɔ́ e bʉr oswîh. Bé ónwimla páʼ nyɔ́ɔ́. Ogwíha o mílɔ̌b o bíbɛr, bé ópyâl ɨ́ buo buo. Bé ntémé, bé óbuú dímle bʉ̂r ɨ́ buo buo.

Nó ó Yésʉs á lɛ́ɛ e bé ó: «Diʼee gá mekʉá ɨ́ binyâ. Bɨ̌n ámû jaá dímlɔɔ.

Sɨ́ǎ yaá ó bɨ́n jálá le edi ɨ́ cǎr yɨ́. Mwân mé Mʉr ámû jaá pyâl bɨ́n metwɨrâ lɨ́ ewala bɨ́n dí abóno nyé lɨ́.»

Nó, diʼee gá ɨ́ mpʉ̂n, ebě, bɨ̌n bé agʉ́a dʉ́ó Tî wɨ́n ngá nze yɨ́.

«Ɨ́ lɔ̌b móhó waá le jɔʼ yaá, mʉr ngwár, nyé agʉ́a wê. Damá jóʼo bééngeles dí ɨ́ jʉ́o kʉ́ bá, bé agʉ́a. Damá jóʼo Mwân mé Mʉr, nye ntémé, nyé agʉ́a. Nzyɛ̌m Sɔ́ŋ nye omér ó dí egʉ́a.

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

Syɛ́ɛla yaá, yé ósyɛ́ɛ ó, nwɨɨla e bisyɛ́ɛla byé á sisyɛ́ɛlɨ ɨ́ jɔʼ mé Nóe bí. Mpʉ yaá ntémé ó Mwân mé Mʉr ngá báʼǎ nze yɨ́. Byé nwɨɨla ó, mbi wɨ̂: jɔʼ mpɨ́ɨ á be apǎ mamle yɨ́, bʉr, bé á be ó lɨ́ ede méde le menyoʼ, báŋɔɔ bʉ́bá le ebɛ́lɔɔ bwân, tó pyâl pyáláa ɨ́ dʉ́ó Nóe á ka nî ɨ́ byɛ̂l yɨ́. Bé á bé abûʼla ó, sɔ̂ʼ, yé e nkul esyɛ́ɛ nó, tó pyâl ɨ́ jɔʼ mpɨ́ɨ á bana sîl bɨ́bɛ̂h yɨ́. Yé óbe ntémé ó, jwɨʼ gwár, ɨ́ jɔʼ Mwân mé Mʉr ngá báʼǎ nze yɨ́.