Mga Awit 126:1-6
Mga Awit 126:1-6 Magandang Balita Bible (Revised) (RTPV05)
Nang lingapin tayo ni Yahweh at sa Zion ay ibalik, ang nangyaring kasaysaya'y parang isang panaginip. Lahat tayo ay natuwa, masasayang nagsiawit! Ang sabi ng mga bansang nagmamasid sa paligid, “Tunay na dakila, ginawa ni Yahweh para sa kanila!” Dakila ngang masasabi, pambihira ang ginawa, kaya naman kami ngayon, nagdiriwang, natutuwa! Kung paanong inuulan itong mga tuyong batis, sa sariling bayan namin, Yahweh, kami ay ibalik. Silang tumatangis habang nagsisipagtanim, hayaan mo na mag-ani na puspos ng kagalakan. Silang mga nagsihayong dala'y binhi't nananangis, ay aawit na may galak, dala'y ani pagbalik!
Mga Awit 126:1-6 Ang Salita ng Diyos (ASD)
Nang muling ibinalik ng PANGINOON sa Zion ang mga nabihag, itoʼy parang panaginip lamang. Tayo nooʼy nagtatawanan at nag-aawitan sa labis na kagalakan. At sinabi ng ibang mga bansa, “Napakadakila ng mga bagay na ginawa ng PANGINOON para sa kanila.” Totoong ginawan tayo ng dakilang bagay ng PANGINOON, at punong-puno tayo ng kagalakan. PANGINOON, muli nʼyo kaming paunlarin, tulad ng tuyong batis na muling nagkaroon ng tubig. Silang nagtatanim na lumuluha ay mag-aaning tuwang-tuwa. Ang umalis na lumuluha, na may dalang binhi na itatanim ay babalik na masaya, na may dala-dalang mga ani.
Mga Awit 126:1-6 Ang Biblia (TLAB)
Nang dalhin muli ng Panginoon yaong nangagbalik sa Sion, tayo ay gaya niyaong nangananaginip. Nang magkagayo'y napuno ang bibig natin ng pagtawa, at ang dila natin ng awit: nang magkagayo'y sinabi nila sa gitna ng mga bansa, Ginawan sila ng Panginoon ng mga dakilang bagay. Ginawan tayo ng Panginoon ng mga dakilang bagay; na siyang ating ikinatutuwa. Papanumbalikin mo uli ang aming nangabihag, Oh Panginoon, na gaya ng mga batis sa Timugan. Sila na nagsisipaghasik na may luha ay magsisiani na may kagalakan. Siyang lumalabas at umiiyak, na nagdadala ng binhing itatanim; siya'y di sasalang babalik na may kagalakan, na dala ang kaniyang mga tangkas.
Mga Awit 126:1-6 Magandang Balita Biblia (2005) (MBB05)
Nang lingapin tayo ni Yahweh at sa Zion ay ibalik, ang nangyaring kasaysaya'y parang isang panaginip. Lahat tayo ay natuwa, masasayang nagsiawit! Ang sabi ng mga bansang nagmamasid sa paligid, “Tunay na dakila, ginawa ni Yahweh para sa kanila!” Dakila ngang masasabi, pambihira ang ginawa, kaya naman kami ngayon, nagdiriwang, natutuwa! Kung paanong inuulan itong mga tuyong batis, sa sariling bayan namin, Yahweh, kami ay ibalik. Silang tumatangis habang nagsisipagtanim, hayaan mo na mag-ani na puspos ng kagalakan. Silang mga nagsihayong dala'y binhi't nananangis, ay aawit na may galak, dala'y ani pagbalik!
Mga Awit 126:1-6 Ang Biblia (1905/1982) (ABTAG)
Nang dalhin muli ng Panginoon yaong nangagbalik sa Sion, Tayo ay gaya niyaong nangananaginip. Nang magkagayo'y napuno ang bibig natin ng pagtawa, At ang dila natin ng awit: Nang magkagayo'y sinabi nila sa gitna ng mga bansa, Ginawan sila ng Panginoon ng mga dakilang bagay. Ginawan tayo ng Panginoon ng mga dakilang bagay; Na siyang ating ikinatutuwa. Papanumbalikin mo uli ang aming nangabihag, Oh Panginoon, Na gaya ng mga batis sa Timugan. Sila na nagsisipaghasik na may luha ay magsisiani na may kagalakan. Siyang lumalabas at umiiyak, na nagdadala ng binhing itatanim; Siya'y di sasalang babalik na may kagalakan, na dala ang kaniyang mga tangkas.