Mga Awit 111:2-10
Mga Awit 111:2-10 Magandang Balita Bible (Revised) (RTPV05)
Ang mga gawa ni Yahweh, tunay napakadakila, mga nalulugod sa kanya, lagi itong inaalala; lahat niyang gawa'y dakila at wagas, katuwiran niya'y hindi magwawakas. Hindi maaalis sa ating gunita, si Yahweh ay mabuti't mahabaging lubha. Ang sa kanya'y gumagalang pagkain ay sagana; pangako ni Yahweh ay di nasisira. Ipinadama niya sa mga hinirang, ang kapangyarihan niyang tinataglay, nang ibigay niya lupa ng dayuhan. Ang gawa ng Diyos, matuwid at tapat, at maaasahan lahat niyang batas. Ito ay lalagi at di magwawakas, pagkat ang saliga'y totoo't matapat. Kaligtasa'y dulot sa mga hinirang, may ipinangakong walang hanggang tipan; Banal at dakila ang kanyang pangalan! Ang pagsunod at paggalang kay Yahweh'y simula ng karunungan. Taong masunurin, pupurihing lubos. Purihin ang Diyos magpakailanman!
Mga Awit 111:2-10 Ang Salita ng Diyos (ASD)
Napakadakila ng mga gawa ng PANGINOON; iniisip ito ng lahat ng nagagalak sa kanyang mga gawa. Ang lahat ng kanyang mga gawa ay nagpapakita ng kanyang kapangyarihan at karangalan. At ang kanyang katuwiran ay nagpapatuloy magpakailanman. Ipinaaalala niya ang kanyang mga kahanga-hangang gawa. Siya ay mabuti at mahabagin. Binibigyan niya ng pagkain ang mga may takot sa kanya, at ang kanyang kasunduan sa kanila ay hindi niya kinakalimutan. Ipinakita niya sa kanyang mga mamamayan ang kapangyarihan ng kanyang mga gawa, sa pamamagitan ng pagbibigay sa kanila ng mga lupain ng ibang mga bansa. Tapat at matuwid ang lahat niyang ginagawa, at mapagkakatiwalaan ang lahat niyang mga utos. Ang kanyang mga utos ay mananatili magpakailanman, at itoʼy ibinigay niya nang buong katapatan at ayon sa katuwiran. Tinubos niya ang kanyang mga mamamayan, at gumawa siya ng kasunduan na pangwalang hanggan. Banal siya at kahanga-hanga. Ang pagkatakot sa PANGINOON ang simula ng karunungan. Lahat ng sumusunod sa kanyang mga utos ay may mabuting pang-unawa. Purihin siya magpakailanman.
Mga Awit 111:2-10 Ang Biblia (TLAB)
Ang mga gawa ng Panginoon ay dakila, siyasat ng lahat na nagtatamo ng kaligayahan diyan. Ang kaniyang gawa ay karangalan at kamahalan: at ang kaniyang katuwiran ay nananatili magpakailan man. Kaniyang ginawa ang kaniyang mga kababalaghang gawa upang alalahanin: ang Panginoon ay mapagbiyaya at puspos ng kahabagan. Siya'y nagbigay ng pagkain sa nangatatakot sa kaniya: kaniyang aalalahaning lagi ang kaniyang tipan. Kaniyang ipinakilala sa kaniyang bayan ang kapangyarihan ng kaniyang mga gawa, sa pagbibigay niya sa kanila ng mana ng mga bansa. Ang mga gawa ng kaniyang mga kamay ay katotohanan at kahatulan: lahat niyang mga tuntunin ay tunay. Nangatatatag magpakailan-kailan man, mga yari sa katotohanan at katuwiran. Siya'y nagsugo ng katubusan sa kaniyang bayan; kaniyang iniutos ang kaniyang tipan magpakailan man: banal at kagalanggalang ang kaniyang pangalan. Ang pagkatakot sa Panginoon ay pasimula ng karunungan; may mabuting pagkaunawa ang lahat na nagsisisunod ng kaniyang mga utos. Ang kaniyang kapurihan ay nananatili magpakailan man.
Mga Awit 111:2-10 Magandang Balita Biblia (2005) (MBB05)
Ang mga gawa ni Yahweh, tunay napakadakila, mga nalulugod sa kanya, lagi itong inaalala; lahat niyang gawa'y dakila at wagas, katuwiran niya'y hindi magwawakas. Hindi maaalis sa ating gunita, si Yahweh ay mabuti't mahabaging lubha. Ang sa kanya'y gumagalang pagkain ay sagana; pangako ni Yahweh ay di nasisira. Ipinadama niya sa mga hinirang, ang kapangyarihan niyang tinataglay, nang ibigay niya lupa ng dayuhan. Ang gawa ng Diyos, matuwid at tapat, at maaasahan lahat niyang batas. Ito ay lalagi at di magwawakas, pagkat ang saliga'y totoo't matapat. Kaligtasa'y dulot sa mga hinirang, may ipinangakong walang hanggang tipan; Banal at dakila ang kanyang pangalan! Ang pagsunod at paggalang kay Yahweh'y simula ng karunungan. Taong masunurin, pupurihing lubos. Purihin ang Diyos magpakailanman!
Mga Awit 111:2-10 Ang Biblia (1905/1982) (ABTAG)
Ang mga gawa ng Panginoon ay dakila, Siyasat ng lahat na nagtatamo ng kaligayahan diyan. Ang kaniyang gawa ay karangalan at kamahalan: At ang kaniyang katuwiran ay nananatili magpakailan man. Kaniyang ginawa ang kaniyang mga kababalaghang gawa upang alalahanin: Ang Panginoon ay mapagbiyaya at puspos ng kahabagan. Siya'y nagbigay ng pagkain sa nangatatakot sa kaniya: Kaniyang aalalahaning lagi ang kaniyang tipan. Kaniyang ipinakilala sa kaniyang bayan ang kapangyarihan ng kaniyang mga gawa, Sa pagbibigay niya sa kanila ng mana ng mga bansa. Ang mga gawa ng kaniyang mga kamay ay katotohanan at kahatulan: Lahat niyang mga tuntunin ay tunay. Nangatatatag magpakailankailan man, Mga yari sa katotohanan at katuwiran. Siya'y nagsugo ng katubusan sa kaniyang bayan; Kaniyang iniutos ang kaniyang tipan magpakailan man: Banal at kagalanggalang ang kaniyang pangalan. Ang pagkatakot sa Panginoon ay pasimula ng karunungan; May mabuting pagkaunawa ang lahat na nagsisisunod ng kaniyang mga utos. Ang kaniyang kapurihan ay nananatili magpakailan man.