Salmos 100
100
Nocon Ifo Diosin fustitofin noco oni huaniquin. Ascacunfin non ahuunafoquin
1Nantifi yora maifotifoan unimaquin oi ashcafinin Diosihuunoa yoisharacahuun.
2Unimayanan nocon Ifo cufifain ahuunoa yoisharacahuun. Aqui fucashon ahuunoa unimaquin fanainshocahuun.
3Nocon Ifofin Diosi fustiquin. Ascacun tapicahuun. Nanton noco onihuani. Ascan nonfin ahuunnacoinfoquin. Nonfin ahuun yoraquin. Ascan nonfin ahuun chashoanfo fasi funununshon piaifo cuscaraquin. Ascacun noco cushua.
4-5Nocon Ifo fasi sharacoin. Nocohuun noiquin unupacunacama. Nocon shunifo niyoashu ipaonifo cuscan natian nan niyoafori chipo icaifori ato Ifo Diosin yoiyoni cuscan noco ashomisi. Ascacun ahuun tsainti pushu caincaiti ano iqui fucahuun. Iquishon aicho Ifon min ua shara huamisiran ishon nocon Ifo Diosi yoicahuun. Nan icano iquicahuun. Iquishon ahuunoa yoisharacahuun. Mato shara hua cuscan aichoran huafain yoiquin isca huacahuun, —Ifo Diosin, min fasi sharacoinran, —ishon yoicahuun.
Kasalukuyang Napili:
Salmos 100: mcd
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2008, Wycliffe Bible Translators, Inc. All rights reserved.